കരുമാല്ലൂരിൽ പാചകവാതക സിലിണ്ടറിന് തീ പിടിച്ചു

ആലങ്ങാട്: കരുമാല്ലൂർ കാരുചിറയിലെ ഭക്ഷണശാലയിൽ പാചകവാതക സിലിണ്ടറിന് തീപിടിച്ചു. വെള്ളിയാഴ്ച രാവിലെയാണ് സംഭവം. സ്ഥാപനത്തിലെ ജീവനക്കാർ സമയോചിതമായി ഇടപെട്ടതിനാൽ വൻ അപകടമാണ് ഒഴിവായത്. പാചകത്തിനിടെ വാതകചോർച്ച കണ്ടതോടെ ജീവനക്കാർ വെള്ളം കോരി ഒഴിച്ചശേഷം അഗ്നിശമനസേനയെ വിവരമറിയിച്ചു. സ്റ്റൗവുമായി ഘടിപ്പിക്കുന്ന കുഴലിനാണ് തീ പിടിച്ചത്. ഹോട്ടൽ തുറക്കുന്ന നേരമായതിനാൽ ജീവനക്കാർ മാത്രമേ ഉണ്ടായിരുന്നുള്ളൂ. പറവൂരിൽനിന്ന് അഗ്നിശമനസേനയും ആലങ്ങാട് െപാലീസും സ്ഥലത്തെത്തി.