വീട്​ കൈമാറി

കരുമാല്ലൂർ: വാണിയക്കാട് പരേതനായ ഹംസയുടെ കുടുംബത്തിന് സോളിഡാരിറ്റി പറവൂർ ഏരിയയുടെ നേതൃത്വത്തിൽ പ്രദേശത്തെ സി.പി.എം. പ്രവർത്തകരുടെയും കോട്ടുവള്ളി പഞ്ചായത്തി​െൻറയും സഹകരണത്തോടെ പണിത വീടി​െൻറ താക്കോൽ ദാനം സോളിഡാരിറ്റി ജില്ല പ്രസിഡൻറ് എ അനസ് നിർവഹിച്ചു. സോളിഡാരിറ്റി പറവൂർ ഏരിയ സെക്രട്ടറി സിറാജുദ്ദീനും സി.പി.എം പ്രവർത്തകൻ കുഞ്ഞുമോനും മേൽനോട്ടം വഹിച്ച നിർമാണ പ്രവർത്തനങ്ങൾക്ക് പ്രദേശത്തെ യുവാക്കളുടെയും സോളിഡാരിറ്റി പ്രവർത്തകരുടെയും പങ്കാളിത്തം ഉണ്ടായിരുന്നു. ഏരിയ സെക്രട്ടറി നിയാസ്, യൂനിറ്റ് പ്രസിഡൻറ് ഫജറുസ്സാദിഖ് , ജമാഅത്തെ ഇസ്‌ലാമി വാണിയക്കാട് ഹൽഖാ നാസിം കെ.കെ നിസാർ, അൻവർ നൗഫൽ തുടങ്ങിയവർ പങ്കെടുത്തു.വാണിയക്കാട് മഹല്ല് ഇമാം അബ്ദുൽ അസീസ് പ്രാർഥനയും സമാപനവും നിർവഹിച്ചു.