റീജനൽ ഡയാലിസിസ് സെൻററിന് 25 ലക്ഷം രൂപയുടെ ധനസഹായം കൈമാറി

ആലുവ: ജില്ല ആശുപത്രിയിലെ റീജനൽ ഡയാലിസിസ് സ​െൻററിന് ദുബൈയിലെ സീനിയർ ഡോക്ടറുമാരുടെ സംഘടന 25 ലക്ഷം രൂപയുടെ ധനസഹായം കൈമാറി. ബ്ലഡ് ബാങ്ക് ഓഡിറ്റോറിയത്തിൽ നടന്ന സമ്മേളനം മുൻ എം.പി പി. രാജീവ് ഉദ്ഘാടനം ചെയ്തു. ജില്ല പഞ്ചായത്ത് വൈസ് പ്രസിഡൻറ് ബി.എ. അബ്‌ദുൽ മുത്തലിബ് അധ്യക്ഷത വഹിച്ചു. ഡോ. അബ്‌ദുൽ ലത്തീഫ് 25 ലക്ഷം രൂപയുടെ ചെക്ക് പി. രാജീവിന് കൈമാറി. ജില്ല പഞ്ചായത്ത് അംഗങ്ങളായ ശാരദ മോഹൻ, സരള മോഹൻ, ജില്ല മെഡിക്കൽ ഓഫിസർ ഡോ. എൻ.കെ. കുട്ടപ്പൻ, കൗൺസിലർ ഷൈജി രാമചന്ദ്രൻ, ഡോ. എം.എ. മുഹമ്മദ്, ഡോ. സണ്ണി കുര്യൻ, ഡോ. എം.എൻ. മോനോൻ, ജില്ല ആശുപത്രി സൂപ്രണ്ട് ഡോ. പ്രസന്ന എന്നിവർ സംസാരിച്ചു. ഡോ. എൻ. വിജയകുമാറിനെ ആദരിച്ചു.