വിദ്യാരംഗം ശിൽപശാല

ആലുവ: വിദ്യാഭ്യാസ ഉപജില്ല വിദ്യാരംഗം കലാസാഹിത്യവേദിയുടെ ആഭിമുഖ്യത്തിൽ എൽ.പി വിദ്യാർഥികൾക്ക് ശിൽപശാല സംഘടിപ്പിച്ചു. കടുങ്ങല്ലൂർ ഗവ.ഹൈസ്കൂളിൽ നടന്ന ശിൽപശാല എഴുത്തുകാരൻ ഷാജി ഇടപ്പള്ളി ഉദ്‌ഘാടനം ചെയ്തു. പഞ്ചായത്ത് അംഗം ഇന്ദിര കുന്നക്കാല അധ്യക്ഷത വഹിച്ചു. പഞ്ചായത്ത് പ്രസിഡൻറ് രത്‌നമ്മ സുരേഷ് മുഖ്യപ്രഭാഷണം നടത്തി. ശിൽപശാലയിൽ മികവ് പുലർത്തിയ വിദ്യാർഥികൾക്ക് സമ്മാനങ്ങൾ പഞ്ചായത്ത് വൈസ് പ്രസിഡൻറ് സി.ജി. വേണു വിതരണം ചെയ്തു. ട്രീസ മോളി, പ്രധാനാധ്യാപിക ജയശ്രീ, ഉപജില്ല കൺവീനർ ശശിധരൻ കല്ലേരി, ജീബ പൗലോസ് എന്നിവർ സംസാരിച്ചു. മാത്യൂസ് പുതുശ്ശേരി, കെ.പി. റോയ്, എം.കെ.ധന്യ എന്നിവർ ക്ലാസുകൾ നയിച്ചു.