വെള്ളക്കെട്ട്​: റെയിൽവേ കലുങ്കുകളിലെ മാലിന്യം നീക്കണം ^നഗരസഭ

വെള്ളക്കെട്ട്: റെയിൽവേ കലുങ്കുകളിലെ മാലിന്യം നീക്കണം -നഗരസഭ കൊച്ചി: റെയിൽ പാളങ്ങളുടെ അടിയിൽകൂടി പോകുന്ന ചെറിയ പൈപ്പ് കലുങ്കുകളിലെ മാലിന്യം ജെറ്റിങ് സംവിധാനം ഉപയോഗിച്ച് നീക്കി നീരൊഴുക്ക് സുഗമമാക്കണമെന്ന് നഗരസഭ റെയിൽേവ അധികൃതരോട് വീണ്ടും ആവശ്യപ്പെട്ടു. ഇക്കാര്യം ഉന്നയിച്ച് മേയർ കത്തയച്ചു. നഗരത്തിൽ വെള്ളക്കെട്ടി​െൻറ പ്രധാന കാരണങ്ങളിലൊന്ന് റെയിൽവേ കലുങ്കുകളിലെ മാലിന്യമാണെന്ന് നേരത്തേ വിലയിരുത്തിയിരുന്നു. മാലിന്യം നീക്കം ചെയ്യണമെന്ന് പലവട്ടം നഗരസഭ റെയിൽവേയോട് ആവശ്യപ്പെട്ടതാണ്. ചൊവ്വാഴ്ച ജി.സി.ഡി.എ, കെ.എം.ആർ.എൽ, റെയിൽവേ തുടങ്ങിയ ഏജൻസികളുടെ അടിയന്തര യോഗം വിളിച്ചുചേർത്താണ് നഗരസഭ ഇതാവശ്യപ്പെട്ടത്. ജി.സി.ഡി.എയുടെ കീഴിെല കലൂർ-കടവന്ത്ര റോഡിൽ കടവന്ത്ര ജങ്ഷൻ മുതൽ കതൃക്കടവ് പാലം വരെയുള്ള ഭാഗത്ത് വലതുവശത്തെ ഫുട്പാത്ത് വളരെ ശോച്യമാണെന്ന് മേയർ സൗമിനി ജയിൻ ചൂണ്ടിക്കാട്ടി. ഇത് ഉപയോഗയോഗ്യമാക്കണമെന്ന് ജി.സി.ഡി.എയോട് ആവശ്യപ്പെട്ടു. എസ്.എ റോഡി​െൻറ പറമ്പിത്തറ ജങ്ഷൻ വരെയുള്ള ഭാഗത്ത് ഡക്റ്റോടുകൂടി കാന പണിത് കവറിങ് സ്ലാബ് ഇടണമെന്നും ഫുട്പാത്ത് ടൈൽ വിരിച്ച് മനോഹരമാക്കണമെന്നും ഡി.എം.ആർ.സിയോടും ആവശ്യപ്പെട്ടു.