നഴ്​സസ്​ പ്രവർത്തകയോഗം

കൊച്ചി: എറണാകുളം ഗവ. മെഡിക്കൽ കോളജിൽ സ്റ്റാഫ് നഴ്സുമാർക്ക് ഹോസ്റ്റൽ സൗകര്യം ഏർെപ്പടുത്തണമെന്ന് മെഡിക്കൽ കോളജ് നഴ്സസ് യൂനിയൻ പ്രവർത്തകേയാഗം ആവശ്യപ്പെട്ടു. മെഡിക്കൽ കോളജിലേക്ക് വാഹന സൗകര്യം ലഭ്യമല്ലാത്തതും താമസസൗകര്യം ഇല്ലാത്തതും നഴ്സുമാർക്കും ജീവനക്കാർക്കും നിരവധി ബുദ്ധിമുട്ടുകൾ സൃഷ്ടിക്കുന്നു. കെ.ജി.എൻ.യു സംസ്ഥാന പ്രസിഡൻറ് അമ്പിളി ദാസ് ഉദ്ഘാടനം ചെയ്തു. സംസ്ഥാന ജനറൽ സെക്രട്ടറി കെ.എസ്. സന്തോഷ് മുഖ്യപ്രഭാഷണം നിർവഹിച്ചു. യൂനിറ്റ് പ്രസിഡൻറ് ടി.എൻ. സുധ അധ്യക്ഷത വഹിച്ചു. അൻസൽ മുല്ലശ്ശേരി, കെ.എസ്. സിത്താര, കെ.എം. തങ്കമണി, പി.ടി. പ്രകാശ് എന്നിവർ സംസാരിച്ചു.