സ്വകാര്യബസുകൾ ഒാട്ടം നിർത്തി; എം.എൽ.എ റോഡിൽ ദുരിതമേറി

വൈക്കം റോഡിന് സമാന്തരമായി പുതിയകാവിൽ ആരംഭിച്ച് പൂത്തോട്ടയിൽ അവസാനിക്കുന്ന എം.എൽ.എ റോഡിൽ സ്വകാര്യബസുകൾ സർവിസ് മുടക്കുന്നു. ഇത് തീരദേശവാസികളടക്കമുള്ളവെര ദുരിതത്തിലാക്കി. എട്ട് സ്വകാര്യബസുകൾ സർവിസ് നടത്തിയിരുന്ന എം.എൽ.എ റോഡിൽ ഇപ്പോൾ ഒരു കെ.എസ്.ആർ.ടി.സിയും രണ്ട് സ്വകാര്യബസുകളുമാണ് ഒാടുന്നത്. കെ.എസ്.ആർ.ടി.സി കൃത്യത പാലിക്കുന്നുണ്ടെങ്കിലും മറ്റ് ബസുകൾ സർവിസ് മുടക്കുന്നു. മത്സ്യത്തൊഴിലാളികളും ഇതരമേഖലകളിൽ പണിയെടുക്കുന്നവരും തിങ്ങിപ്പാർക്കുന്ന മേഖലയിൽ യാത്ര ക്ലേശകരമാണ്. ആവശ്യത്തിന് ബസില്ലാത്തതിനാൽ പ്രദേശവാസികൾ മൂന്ന് കി.മീ. വരെ കാൽനടയായി വൈക്കം റോഡിലെത്തി വേണം യാത്രചെയ്യാൻ. സർവിസ് മുടക്കുന്ന സ്വകാര്യബസുകൾക്കെതിരെ നടപടിെയടുക്കണം. കെ.കെ. ശിവദാസൻ എം.എൽ.എ റോഡ് ഉദയംപേരൂർ