വോളിബാൾ ചാമ്പ്യൻഷിപ്: വേദികൾ തീരുമാനമായി

പറവൂർ: ജില്ല വോളിബാൾ അസോസിയേഷൻ സംഘടിപ്പിക്കുന്ന 2017-18 വർഷത്തെ വോളിബാൾ ചാമ്പ്യൻഷിപ്പുകളുടെ വേദികൾ തീരുമാനിച്ചു. മിനി വോളിബാൾ ചാമ്പ്യൻഷിപ് സെപ്റ്റംബർ 10, 12, 17 തീയതികളിൽ കാരിക്കാട്ടുതുരുത്ത് കേരള കലാവേദി ഗ്രൗണ്ടിൽ നടക്കും. പപ്പൻ സ്മാരക സീനിയർ സൂപ്പർ ലീഗ് വോളിബാൾ ചാമ്പ്യൻഷിപ് നവംബർ രണ്ടാം വാരം മലയാറ്റൂരിൽ സംഘിടിപ്പിക്കും. യൂത്ത് ചാമ്പ്യൻഷിപ് കുമ്മനോട്ടും ജൂനിയർ വോളിബാൾ ചാമ്പ്യൻഷിപ് കൊടുവഴങ്ങ എസ്.എൻ.എ.എസ്‌.സി മൈതാനത്തും സബ് ജൂനിയർ ചാമ്പ്യൻഷിപ് മൂത്തകുന്നത്തും പറവൂർ മേഖല സീനിയർ ചാമ്പ്യൻഷിപ് പറവൂത്തറ കരിയമ്പിള്ളി മൈതാനത്തും നടക്കും. യോഗത്തിൽ വി.എ. മൊയ്തീൻ നൈന അധ്യക്ഷത വഹിച്ചു. ടി.ആർ. ബിന്നി, കെ.പി. തോമസ്, ഫ്രാൻസിസ് സേവ്യർ ലൂയിസ്, ബിജോയ് ബാബു, എം.എസ്. ജോസഫ്, പി. ദേവരാജൻ എന്നിവർ സംസാരിച്ചു.