സംരക്ഷണ ഭിത്തി നിർമിക്കാൻ 15 ലക്ഷം; പ്രദേശവാസികൾക്ക്​ ആശ്വാസം

മൂവാറ്റുപുഴ: കനത്ത മഴയില്‍ തകർന്ന വടമുക്ക് പാലത്തി​െൻറ സംരക്ഷണഭിത്തി നിർമിക്കാൻ ഫണ്ട് അനുവദിച്ചത് പ്രദേശവാസികൾക്കാശ്വാസമായി. അമ്പലംപടി--വീട്ടൂര്‍ റോഡി​െൻറ വടമുക്ക് പാലത്തിന് സമീപം തകര്‍ന്ന സംരക്ഷണ ഭിത്തി നിര്‍മിക്കാനാണ് പൊതുമരാമത്ത് വകുപ്പ് 15-ലക്ഷം രൂപ അനുവദിച്ചത്. പ്രദേശവാസികള്‍ എല്‍ദോ എബ്രഹാം എം.എല്‍.എക്ക് നിവേദനം നൽകിയിരുന്നു. പായിപ്ര ഗ്രാമപഞ്ചായത്ത് നാലാം വാര്‍ഡിലെ വടമുക്ക് പാലത്തിന് സമീപമാണ് റോഡി​െൻറ സംരക്ഷണ ഭിത്തി തകർന്നത്. കാല്‍ നൂറ്റാണ്ട് പഴക്കമുള്ള കരിങ്കല്‍ കെട്ടാണ് വന്‍ശബ്ദത്തോടെ അര്‍ധരാത്രി തകര്‍ന്നു വീണത്. കരിങ്കല്ലുകളും മണ്ണും സമീപത്തെ കപ്പത്തോട്ടത്തിലേക്ക് വീണതോടെ മുളവൂര്‍ പൊന്നിരിയ്ക്കല്‍ നൗഷാദി​െൻറ കപ്പകൃഷിയും നശിച്ചിരുന്നു. റോഡ് തകര്‍ന്നതോടെ ഇതിലൂടെയുള്ള വാഹന ഗതാഗതത്തിന് ഭീഷണിയായിരിക്കുകയാണ്. കാല്‍ നൂറ്റാണ്ട് പഴക്കമുള്ള കരിങ്കല്‍ കെട്ടാണിത്. മഴുവന്നൂര്‍ പഞ്ചായത്തിലെ വീട്ടൂരില്‍ നിന്നും ആരംഭിച്ച് കോതമംഗലം നഗരസഭയിലെ അമ്പലംപടിയില്‍ അവസാനിക്കുന്ന റോഡ് പായിപ്ര പഞ്ചായത്തിലെ പ്രധാന റോഡുകളിലൊന്നാണ്. ചിത്രം: റോഡ് ഇടിഞ്ഞ നിലയില്‍ ഫയൽ ചിത്രം .vada Mukk.