അങ്കമാലിയിലെ തകർന്ന റോഡുകൾ; പ്രതിഷേധ മാർച്ച് നടത്തി

അങ്കമാലി: നിയോജക മണ്ഡലത്തിലെ തകർന്ന റോഡുകൾ സഞ്ചാരയോഗ്യമാക്കാത്തതിൽ പ്രതിഷേധിച്ച് അങ്കമാലി പി.ഡബ്യു.ഡി ഓഫിസിലേക്ക് യുവമോർച്ച നിയോജക മണ്ഡലം കമ്മിറ്റി മാർച്ച് നടത്തി. വിഷയം സംബന്ധിച്ച് ഓഫിസിൽ പരാതി നൽകി. യുവമോർച്ച സംസ്ഥാന വൈസ് പ്രസിഡൻറ് വി.കെ. ഭസിത് കുമാർ മാർച്ച് ഉദ്ഘാടനം ചെയ്തു. യുവമോർച്ച മണ്ഡലം പ്രസിഡൻറ് രാഹുൽ പാറക്കടവ് അധ്യക്ഷതവഹിച്ചു. ബി.ജെ.പി നിയോജക മണ്ഡലം പ്രസിഡൻറ് പി.എൻ. സതീശൻ, സലീഷ് ചെമ്മണ്ടൂർ, ടി.എസ് രാധാകൃഷ്ണൻ, ഇ.എൻ. അനിൽ, അജേഷ് പാറക്ക, ബിജു പുരുഷോത്തമൻ, അഡ്വ. തങ്കച്ചൻ വർഗീസ്, സിബീഷ് ജയിംസ്, എം.കെ. ഗിരി എന്നിവർ സംസാരിച്ചു.