മാലിന്യ നിർമാർജനപദ്ധതി

പിറവം: ശുചിത്വകേരളം പദ്ധതിയുടെ ഭാഗമായി ലയൺസ് ക്ലബി​െൻറ ആഭിമുഖ്യത്തിൽ ഒരുവർഷത്തെ മാലിന്യനിർമാർജന പദ്ധതി പിറവം സി.ഐ പി.കെ. ശിവൻകുട്ടി ഉദ്ഘാടനം ചെയ്തു. ലയൺസ് ക്ലബ് പ്രസിഡൻറ് സജി കെ. പുതുമന അധ്യക്ഷത വഹിച്ചു. പദ്ധതിയുടെ ആദ്യഘട്ടം എന്ന നിലയിൽ രാമമംഗലം ഗവ. യു.പി സ്‌കൂൾ, വെളിയനാട് ഗവ. യു.പി സ്‌കൂൾ, പിറവം താലൂക്ക് ആശുപത്രി, പിറവം സി.ഐ ഓഫിസ്, കൂത്താട്ടുകുളം, പിറവം, ചോറ്റാനിക്കര, മുളന്തുരുത്തി സ്റ്റേഷനുകൾ എന്നിവിടങ്ങളിലേക്ക് മാലിന്യനിക്ഷേപത്തിന് ബക്കറ്റുകൾ വിതരണം ചെയ്തു. ലയൺസ് ക്ലബ് മുൻ ഡിസ്ട്രിക്ട് ഗവർണർ ദാസ് മങ്കിടി പദ്ധതി വിശദീകരിച്ചു. ലയൺസ് ക്ലബ് സെക്രട്ടറി ഡോ. സിബി ജോസഫ്, സണ്ണി മണപ്പാട്ട് എന്നിവർ സംസാരിച്ചു.