ഹജ്ജിന്​ കൈക്കുഞ്ഞുമായി ദമ്പതികൾ

നെടുമ്പാശ്ശേരി: സംസ്ഥാന ഹജ്ജ് കമ്മിറ്റി വഴി വെള്ളിയാഴ്ച യാത്ര തിരിച്ച സംഘത്തിൽ കൈക്കുഞ്ഞുമായി ദമ്പതികൾ. മലപ്പുറം മേൽമുറി സ്വദേശി പുള്ളിയിൽ മാടശ്ശേരി വീട്ടിൽ മുഹമ്മദ് ഹനീഫയും ഭാര്യ ഷെമീറയുമാണ് എട്ടുമാസം പ്രായമായ മകൻ മിസ്ഹബ് മുഹ്യിദ്ദീനുമായി യാത്രയായത്. ഈ വർഷത്തെ ഏറ്റവും പ്രായം കുറഞ്ഞ തീർഥാടകനാണ് മിസ്ഹബ്. ആസ്ട്രേലിയയിൽ ജോലി ചെയ്യുന്ന മുഹമ്മദ് ഹനീഫക്ക് തുടർച്ചയായ അഞ്ചാംവർഷ അപേക്ഷകരുടെ പട്ടികയിലാണ് ഇത്തവണ അവസരം ലഭിച്ചത്.