ലേപാക്ഷി കൈത്തറി, കരകൗശല പ്രദർശനം കൊച്ചിയിൽ 20 വരെ

കൊച്ചി: ആന്ധ്രപ്രദേശ് കരകൗശല വികസന കോർപറേഷൻ ലിമിറ്റഡി​െൻറ ആഭിമുഖ്യത്തിൽ സംഘടിപ്പിക്കുന്ന ലേപാക്ഷി കൈത്തറി, കരകൗശല പ്രദർശന വിൽപനമേള 20ന് സമാപിക്കും. കേന്ദ്രസർക്കാറി​െൻറ ടെക്സ്െറ്റെൽ മന്ത്രാലയം സ്പോൺസർ ചെയ്യുന്ന പ്രദർശനമേളയിൽ 75 കൈത്തറി- കരകൗശല കലാകാരന്മാരുടെ ഉൽപന്നങ്ങളാണുള്ളത്. പരമ്പരാഗത സിൽക്, കോട്ടൺ സാരികൾ, വസ്ത്രങ്ങൾ, സ്യൂട്ട് സെറ്റുകൾ, പോച്ചംപിള്ളി, മംഗളഗിരി, വെങ്കടഗിരി സാരികൾ എന്നിവ അണിനിരത്തിയിട്ടുണ്ട്. പരമ്പരാഗത കളിപ്പാട്ടങ്ങൾ, കരകൗശല ഉൽപന്നങ്ങൾ തുടങ്ങിയവയുമുണ്ട്. ഈ മാസം 20വരെ ദിവസവും രാവിലെ 10 മുതൽ രാത്രി ഒമ്പതുവരെയാണ് മേള.