'ലൈഫ് മിഷന്‍ ഭൂരഹിതരെ വഞ്ചിക്കുന്ന പദ്ധതി'

കാക്കനാട്: എല്‍.ഡി.എഫ് സർക്കാറി​െൻറ ലൈഫ് മിഷന്‍ ഭവന പദ്ധതി ഭൂരഹിതരെ വഞ്ചിക്കുന്നതാണെന്ന് യൂത്ത് ലീഗ് സംസ്ഥാന വൈസ് പ്രസിഡൻറ് പി.എ. അഹമ്മദ് കബീർ. കാക്കനാട് എൻ.ജി.ഒ കോർട്ടേഴ്സ് ജങ്ഷനിൽ സംഘടിപ്പിച്ച സമര സായാഹ്നം ഉദ്ഘാടനം ചെയ്യുകയായിരുന്നു അദ്ദേഹം. തൃക്കാക്കര മുനിസിപ്പൽ പ്രസിഡൻറ് പി.എം. മാഹിൻകുട്ടി അധ്യക്ഷത വഹിച്ചു. കെ.എം. അബ്ദുൽകരീം മുഖ്യപ്രഭാഷണം നടത്തി. മുസ്ലിംലീഗ് ജില്ല സെക്രട്ടറി പി.കെ. ജലീൽ, മണ്ഡലം ജനറൽ സെക്രട്ടറി പി.കെ. അബ്ദുൽ റസാഖ്, മുനിസിപ്പൽ പ്രസിഡൻറ് ഹംസ മൂലയിൽ, നഗരസഭ കൗൺസിലർമാരായ പി.എം. യൂസുഫ്, ടി.എം. അലി, അബ്ദുസ്സലാം ഹാജി, സി.എസ്. സിയാദ്, ഭാരവാഹികളായ കെ.ബി.എ. ലത്തീഫ്, കെ.കെ. അക്ബർ, പി.എം. യൂനുസ്, മുഹമ്മദ് സാബു, എം.കെ. അൻസാർ, കെ.എച്ച്. സനൂബ് എന്നിവർ സംസാരിച്ചു. യൂത്ത് ലീഗ് മുനിസിപ്പൽ ജനറൽ സെക്രട്ടറി കെ.എൻ. നിയാസ് സ്വാഗതവും ട്രഷറർ കെ.എം. അബൂബക്കർ നന്ദിയും പറഞ്ഞു.