ഓണം ബോണസായി 10,000 രൂപ നല്‍കണമെന്ന്

മൂവാറ്റുപുഴ: ലോട്ടറി തൊഴിലാളികള്‍ക്ക് ഓള്‍ കേരള ലോട്ടറി ഏജൻറ്സ് ആൻഡ് സെല്ലേഴ്‌സ് കോൺഗ്രസ് (ഐ.എന്‍.ടി.യു.സി) മൂവാറ്റുപുഴ-കോതമംഗലം മേഖല കൺവെന്‍ഷന്‍ ആവശ്യപ്പെട്ടു. ലോട്ടറി വില്‍പനയിലൂടെ 7500 കോടിയാണ് പ്രതിവര്‍ഷം സര്‍ക്കാര്‍ ഖജനാവിലേക്ക് ലഭിക്കുന്നത്. തൊഴിലാളികളുടെ കഠിന പ്രയത്‌നത്തി​െൻറ ഫലമാണ് ഈ വരുമാനം. കഴിഞ്ഞ വര്‍ഷം 5000 രൂപയാണ് ലോട്ടറി ക്ഷേമനിധി അംഗങ്ങള്‍ക്ക് ലഭിച്ചത്. ഇതര സംസ്ഥാന ലോട്ടറി കേരളത്തില്‍ വില്‍ക്കാന്‍ അനുവദിക്കരുതെന്നും യോഗം കേന്ദ്ര-, സംസ്ഥാന സര്‍ക്കാറുകളോട് ആവശ്യപ്പെട്ടു. ജനറല്‍ സെക്രട്ടറി പി.വി. പ്രസാദ് ഉദ്ഘാടനം ചെയ്തു. സംസ്ഥാന സെക്രട്ടറി സി.എച്ച്. സൈനുദ്ദീൻ അധ്യക്ഷത വഹിച്ചു. ജില്ല പ്രസിഡൻറ് വി.ടി. സേവ്യര്‍ മുഖ്യപ്രഭാഷണം നടത്തി. കെ.പി. രാധാമണി, കെ.ആര്‍. സജീവന്‍ എന്നിവര്‍ സംസാരിച്ചു.