ജനറല്‍ ആശുപത്രിയില്‍ കരാര്‍ നിയമനം

കൊച്ചി: എറണാകുളം ജനറല്‍ ആശുപത്രിയില്‍ അനസ്‌തേഷ്യ ടെക്‌നീഷ്യന്‍, സി-.ആം ടെക്‌നീഷ്യന്‍ എന്നിവരെ കരാര്‍ അടിസ്ഥാനത്തില്‍ താൽക്കാലികമായി നിയമിക്കുന്നു. അനസ്‌തേഷ്യ ടെക്‌നീഷ്യന്‍ കോഴ്‌സ് കഴിഞ്ഞവര്‍ക്ക് അനസ്‌തേഷ്യ ടെക്‌നീഷ്യന്‍ തസ്തികയിലേക്കും ഡി.ആര്‍.ടി കോഴ്‌സ് കഴിഞ്ഞവര്‍ക്ക് സി-.ആം തസ്തികയിലേക്കും അപേക്ഷിക്കാം. അസ്സൽ സര്‍ട്ടിഫിക്കറ്റുകള്‍ സഹിതം 14 രാവിലെ 11-ന് സൂപ്രണ്ടി​െൻറ ഓഫിസില്‍ വാക് -ഇന്‍ -ഇൻറര്‍വ്യൂവിന് ഹാജരാവണം. ഐ.എച്ച്.ആര്‍ഡിയുടെ കീഴിലെ എറണാകുളം, ചെങ്ങന്നൂര്‍, കരുനാഗപ്പള്ളി, ചേര്‍ത്തല, അടൂര്‍, കല്ലൂപ്പാറ, പൂഞ്ഞാര്‍, കൊട്ടാരക്കര, ആറ്റിങ്ങല്‍ എൻജിനീയറിങ് കോളജുകളില്‍ ഒഴിവുള്ള ബി.ടെക് ബ്രാഞ്ചുകളിലേക്ക് 15 വരെ അതത് എൻജിനീയറിങ് കോളജുകളില്‍ സ്‌പോട്ട് അഡ്മിഷന്‍ നടത്തുന്നു. വിദ്യാർഥികള്‍ രക്ഷിതാവിനൊപ്പം അഡ്മിഷന്‍ നേടാനാവശ്യമായ എന്‍ട്രന്‍സ് പരീക്ഷ റാങ്ക് സര്‍ട്ടിഫിക്കറ്റ്, യോഗ്യത സര്‍ട്ടിഫിക്കറ്റ്, ടി.സി, ഫിറ്റ്‌നസ് സര്‍ട്ടിഫിക്കറ്റ്, ഫീസ് തുടങ്ങിയവ സഹിതം അതത് കോളജ് പ്രിന്‍സിപ്പല്‍ മുമ്പാകെ ഹാജരാകണം. ഫോൺ: -8547005002 (മോഡല്‍ എൻജിനീയറിങ് കോളജ്, എറണാകുളം).