വിമാനത്താവളത്തിൽ ഏഴര ലക്ഷത്തി​െൻറ വിദേശ കറൻസി പിടികൂടി

നെടുമ്പാശ്ശേരി: മാസികയിൽ ഒളിപ്പിച്ച്് മലേഷ്യയിേലക്ക് കടത്താൻ ശ്രമിച്ച ഏഴര ലക്ഷം രൂപയുടെ അമേരിക്കൻ ഡോളർ കൊച്ചി വിമാനത്താവളത്തിൽ പിടികൂടി. ബുധനാഴ്ച എയർ ഏഷ്യ വിമാനത്തിൽ മലേഷ്യക്ക് പോകുന്ന മലപ്പുറം സ്വദേശി നൗഷാദി​െൻറ പക്കൽനിന്നാണ് വിദേശ കറൻസി പിടികൂടിയത്. രഹസ്യവിവരം ലഭിച്ചതിനെത്തുടർന്ന്്് കസ്റ്റംസ് പ്രിവൻറിവ് കമീഷണറേറ്റ് വിഭാഗം വിമാനത്താവളത്തിൽ എത്തി നൗഷാദി​െൻറ ബാഗേജ് പരിശോധിക്കുകയായിരുന്നു. മാസികയുടെ ഉൾപേജുകൾ ഒട്ടിച്ച് അതിനുള്ളിലാണ് കറൻസി ഒളിപ്പിച്ചിരുന്നത്. സ്വർണം കടത്താൻ വേണ്ടിയാകാം ഡോളർ കടത്താൻ ശ്രമിച്ചത് എന്നാണ് കസ്റ്റംസ് പ്രിവൻറിവ് കമീഷണറേറ്റ് വിഭാഗത്തി​െൻറ നിഗമനം. നൗഷാദിനെ വിശദമായി ചോദ്യം ചെയ്തശേഷം വിട്ടയച്ചു. ഇയാൾ വിസിറ്റിങ് വിസയിലാണ് മലേഷ്യക്ക് പോകാനെത്തിയത്. ഓഫിസർമാരായ നമേലി രാജ ടോമി, ബീന വാസ്, വിജയകുമാരി, സിയാദ് ഹാസിം, രാജശേഖർ റെഡ്ഡി എന്നിവരുടെ നേതൃത്വത്തിലാണ് കറൻസി പിടികൂടിയത്. സ്വർണകടത്ത്്: രണ്ട്്് വിമാന ജീവനക്കാർ പിടിയിൽ നെടുമ്പാശ്ശേരി: അനധികൃതമായി സ്വർണം കടത്തിയ രണ്ട് വിമാന ജീവനക്കാരെ ഡയറക്ടറേറ്റ് ഓഫ് റവന്യു ഇൻ്റലിജൻസ് (ഡി.ആർ.ഐ.) പിടികൂടി. എയർഇന്ത്യ ജീവനക്കാരാണ് പിടിയിലായത്. മലയാളി യുവതിയും മുംബൈ സ്വദേശിയുമാണ് പിടിക്കപ്പെട്ടത്. യുവതിയുടെ പക്കൽ 30 ഗ്രാം സ്വർണവും യുവാവി​െൻറ പക്കൽ 300 ഓളം ഗ്രാം സ്വർണവുമാണ് ഉണ്ടായിരുന്നത്. രഹസ്യവിവരം ലഭിച്ചതിനെ തുടർന്ന്് ഡി.ആർ.ഐ ഉദ്യോഗസ്ഥർ വിമാനത്താവളത്തിലെത്തി ഇവരെ പിടികൂടുകയായിരുന്നു. സൗദി അറേബ്യയിൽ നിന്നാണ് വിമാനം എത്തിയത്.