ആലപ്പുഴയിൽ 13 മുതൽ 15 വരെ മത്സ്യോത്സവം

ആലപ്പുഴ: ഫിഷറീസ് വകുപ്പി​െൻറ ആഭിമുഖ്യത്തിൽ ഈമാസം 13 മുതൽ 15 വരെ ആലപ്പുഴയിൽ മത്സ്യോത്സവം നടത്തുമെന്ന് സംഘാടകർ വാർത്തസമ്മേളനത്തിൽ അറിയിച്ചു. നഗരചത്വരത്തിൽ മൂന്ന് വേദികളിലായാണ് മത്സ്യോത്സവം അരങ്ങേറുന്നത്. വേദി ഒന്നിൽ രാവിലെ 10ന് ധനമന്ത്രി ഡോ. ടി.എം. തോമസ് ഐസക് പരിപാടി ഉദ്ഘാടനം ചെയ്യും. മന്ത്രി മേഴ്സിക്കുട്ടിയമ്മ അധ്യക്ഷത വഹിക്കും. മത്സ്യകർഷക സംഗമം ഭക്ഷ്യമന്ത്രി പി. തിലോത്തമൻ ഉദ്ഘാടനം ചെയ്യും. പ്രതിപക്ഷ നേതാവ് രമേശ് ചെന്നിത്തല മത്സ്യത്തൊഴിലാളികൾക്കുള്ള ധനസഹായം വിതരണം ചെയ്യും. കെ.സി. വേണുഗോപാൽ എം.പി മുഖ്യപ്രഭാഷണം നടത്തും. വേദി രണ്ടിൽ രാവിലെ 11 മുതൽ മത്സ്യ അദാലത്ത് നടക്കും. മന്ത്രി ജെ. മേഴ്സിക്കുട്ടിയമ്മ പങ്കെടുക്കും. വേദി മൂന്നിൽ രാവിലെ 10 മുതൽ അലങ്കാര മത്സ്യപ്രദർശനം, സീഫുഡ് കോർട്ട് എന്നിവ നടക്കും. 15ന് വൈകുന്നേരം മൂന്നിന് സമാപനസമ്മേളനം മന്ത്രി ജി. സുധാകരൻ ഉദ്ഘാടനം ചെയ്യും. മത്സ്യത്തൊഴിലാളി സംഘങ്ങൾക്കുള്ള സഹായ വിതരണം മന്ത്രി തോമസ് ചാണ്ടി നിർവഹിക്കും. കൊടിക്കുന്നിൽ സുരേഷ് എം.പി മുഖ്യപ്രഭാഷണം നടത്തും. വാർത്തസമ്മേളനത്തിൽ മത്സ്യബോർഡ് ചെയർമാൻ പി.പി. ചിത്തരഞ്ജൻ, ഫിഷറീസ് ഡെപ്യൂട്ടി ഡയറക്ടർ സി.പി. അനിരുദ്ധൻ, പബ്ലിസിറ്റി കൺവീനർ ടോജോ, ഫിഷറീസ് അസി. രജിസ്ട്രാർ പി.വി. ഷാനവാസ്, ജില്ല പഞ്ചായത്ത് സ്റ്റാൻഡിങ് കമ്മിറ്റി ചെയർമാൻ കെ.ടി. മാത്യു എന്നിവർ പങ്കെടുത്തു.