ഹൈകോടതി മാർച്ച്; രണ്ട്​ എസ്​.ഡി.പി.​െഎ പ്രവർത്തകർ കൂടി അറസ്​റ്റിൽ

കൊച്ചി: ഹാദിയ കേസിൽ പ്രതിഷേധിച്ച് നടത്തിയ മാർച്ച് തടഞ്ഞ പൊലീസിനുനേരെ അക്രമം കാട്ടിയ രണ്ട് എസ്.ഡി.പി.െഎ പ്രവർത്തകരെ പൊലീസ് അറസ്റ്റ് ചെയ്തു. കേസിൽ 14 ാം പ്രതിയായ ആലുവ തായിക്കാട്ടുകര കാഞ്ഞിരത്തിങ്കൽ വീട്ടിൽ കെ.എം. അബ്ദുൽബഷീർ (49), 19ാം പ്രതി പള്ളിക്കര പെരിങ്ങാല പൂവത്തുംവീട്ടിൽ പി.എ. അഷ്റഫ് (36) എന്നിവരെയാണ് എറണാകുളം സെൻട്രൽ പൊലീസ് അറസ്റ്റ് ചെയ്തത്. കേസിൽ ഒളിവിൽ കഴിയുന്ന മറ്റ് പ്രതികൾക്കുവേണ്ടി പൊലീസ് തിരച്ചിൽ ഉൗർജിതമാക്കിയതായി എറണാകുളം എ.സി.പി. കെ. ലാൽജി അറിയിച്ചു. കൊച്ചി സിറ്റിപൊലീസ് കമീഷണർ എം.പി. ദിനേശ്, ഡി.സി.പി. കുറുപ്പുസ്വാമി എന്നിവരുടെ നിർേദശപ്രകാരം എ.സി.പി. കെ. ലാൽജി, സെൻട്രൽ സി.െഎ. ഇൻചാർജ് ടി.എം. വർഗീസ് എന്നിവരുടെ നേതൃത്വത്തിലായിരുന്നു അറസ്റ്റ്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.