ഒാണം^ പെരുന്നാൾ: 46 അധിക സർവിസുമായി എയർ ഇന്ത്യ എക്​സ്​പ്രസ്​

ഒാണം- പെരുന്നാൾ: 46 അധിക സർവിസുമായി എയർ ഇന്ത്യ എക്സ്പ്രസ് കൊച്ചി: ഒാണം-പെരുന്നാൾ ആഘോഷങ്ങളോടനുബന്ധിച്ച് ഗൾഫ് യാത്രക്കാർക്കായി ആഗസ്റ്റ് 22 മുതൽ സെപ്റ്റംബർ നാലുവരെ എയർ ഇന്ത്യ എക്സ്പ്രസ് 46 അധിക സർവിസ് നടത്തും. ഷാർജയിൽനിന്ന് കൊച്ചി, കോഴിക്കോട്, തിരുവനന്തപുരം, ഡൽഹി എന്നിവിടങ്ങളിലേക്കും തിരിച്ചുമായി 44 സർവിസും റിയാദ്-കോഴിക്കോട് റൂട്ടിൽ രണ്ട് സർവിസുമാണ് അധികം നടത്തുക. 25, 31, സെപ്റ്റംബർ രണ്ട് തീയതികളിലാണ് ഷാർജ- കൊച്ചി സർവിസ്. 25ന് രാവിലെ 7.05ന് ഷാർജയിൽനിന്ന് തിരിച്ച് 12.35ന് കൊച്ചിയിലെത്തും. 31നും സെപ്റ്റംബർ രണ്ടിനും വൈകീട്ട് 6.30ന് ഷാർജയിൽനിന്ന് പുറപ്പെട്ട് രാത്രി 11.50ന് കൊച്ചിയിലെത്തും. 25നും സെപ്റ്റംബർ ഒന്നിനും മൂന്നിനുമാണ് കൊച്ചി -ഷാർജ സർവിസ്. 25ന് ഉച്ചക്കുശേഷം 1.35ന് കൊച്ചിയിൽനിന്ന് തിരിച്ച് വൈകീട്ട് 4.05ന് ഷാർജയിലെത്തും. സെപ്റ്റംബർ ഒന്നിനും മൂന്നിനും പുലർച്ച 12.35ന് പുറപ്പെട്ട് 03.05ന് ഷാർജയിൽ എത്തും. 23, 24, 30, 31, സെപ്റ്റംബർ ഒന്ന്, രണ്ട്, മൂന്ന് ദിവസങ്ങളിലാണ് ഷാർജ -കോഴിക്കോട് സർവിസ്. 31നും സെപ്റ്റംബർ രണ്ടിനും ഷാർജയിൽനിന്ന് രാവിലെ 7.50ന് പുറപ്പെട്ട് ഉച്ചക്ക് 1.15ന് കോഴിക്കോടിറങ്ങും. അല്ലാത്ത ദിവസങ്ങളിൽ വൈകീട്ട് 6.20ന് ഷാർജയിൽനിന്ന് പുറപ്പെട്ട് രാത്രി 11.40ന് കോഴിക്കോെട്ടത്തും. 24, 25, 31, സെപ്റ്റംബർ രണ്ട്, നാല് ദിവസങ്ങളിലാണ് കോഴിക്കോട് -ഷാർജ സർവിസ്. 31നും സെപ്റ്റംബർ രണ്ടിനും രണ്ട് സർവിസ് വീതമുണ്ട്. 24, 25, 31 സെപ്റ്റംബർ രണ്ട്, നാല് ദിവസങ്ങളിൽ പുലർച്ച 12.45ന് കോഴിക്കോട്ടുനിന്ന് പുറപ്പെട്ട് 3.05ന് ഷാർജയിലെത്തും. 31നും സെപ്റ്റംബർ രണ്ടിനുമുള്ള രണ്ടാമത്തെ സർവിസ് വൈകീട്ട് മൂന്നിന് പുറപ്പെട്ട് 5.20ന് ഷാർജയിലെത്തും. 22, 23, 24, 25, 29, 30, സെപ്റ്റംബർ ഒന്ന്, മൂന്ന് ദിവസങ്ങളിലാണ് ഷാർജ -തിരുവനന്തപുരം സർവിസ്. 22, 25, 29 തീയതികളിൽ വൈകീട്ട് 6.20ന് ഷാർജയിൽനിന്ന് പുറപ്പെട്ട് രാത്രി 12.05ന് തിരുവനന്തപുരത്തെത്തും. 23, 24, 30, സെപ്റ്റംബർ ഒന്ന്, മൂന്ന് തീയതികളിൽ രാവിലെ 7.50ന് ഷാർജയിൽനിന്ന് പുറപ്പെട്ട് ഉച്ചക്ക് 1.35ന് തിരുവനന്തപുരെത്തത്തും. 23, 24, 26, 30, സെപ്റ്റംബർ ഒന്ന്, മൂന്ന് ദിവസങ്ങളിലാണ് തിരുവനന്തപുരം -ഷാർജ സർവിസ്. 23നും 30നും രണ്ട് സർവിസ് വീതമുണ്ട്. 23, 26, 30 തീയതികളിൽ പുലർച്ച ഒന്നിന് തിരുവനന്തപുരത്തുനിന്ന് പുറപ്പെട്ട് 3.45ന് ഷാർജയിലെത്തും. 23, 24, 30, സെപ്റ്റംബർ ഒന്ന്, മൂന്ന് ദിവസങ്ങളിൽ ഉച്ചക്ക് ശേഷം 2.35ന് പുറപ്പെട്ട് 5.20ന് ഷാർജയിലെത്തും. ഷാർജ- ഡൽഹി സെക്ടറിൽ 22, 26, 29, സെപ്റ്റംബർ നാല് തീയതികളിലാണ് സർവിസ്. 31ന് റിയാദ്-കോഴിക്കോട്- റിയാദ് സെക്ടറിൽ അധിക സർവിസുണ്ടാകും. ഉച്ചക്ക് 1.15ന് റിയാദിൽനിന്ന് പുറപ്പെട്ട് 8.45ന് കോഴിക്കോെട്ടത്തും. രാവിലെ 9.15ന് കോഴിക്കോട്ടുനിന്ന് തിരിച്ച് 11.45ന് റിയാദിൽ എത്തും.