വിദ്യാർഥികൾക്ക്​ മെഡിക്കൽ ഇൻഷുറൻസ്

മൂവാറ്റുപുഴ: മൂവാറ്റുപുഴ റോട്ടറി ക്ലബ് സർക്കാർ സ്കൂളുകളിലെ കുട്ടികൾക്ക് സൗജന്യ മെഡിക്കൽ ഇൻഷുറൻസ് പദ്ധതി നടപ്പാക്കുന്നു. മൂവാറ്റുപുഴയിലും പ്രാന്തപ്രദേശങ്ങളിലുമുള്ള ഏഴ് സ്കൂളിലെ എൽ.പി, യു.പി കുട്ടികൾക്കാണ് പ്രാരംഭഘട്ടത്തിൽ പരിരക്ഷ നൽകുന്നത്. മൂവാറ്റുപുഴ റോട്ടറി ക്ലബ് 51-ാം വർഷികഭാഗമായാണ് പദ്ധതി. ഉദ്ഘാടനം ആറിന് ഉച്ചക്ക് രണ്ടിന് റോട്ടറി കോംപ്ലക്സിൽ മന്ത്രി എം.എം. മണി നിർവഹിക്കും. ക്ലബ് പ്രസിഡൻറ് ബൈജു ബേബി വെട്ടിക്കാമറ്റം അധ്യക്ഷത വഹിക്കും. എൽദോ എബ്രഹാം എം.എൽ.എയും നഗരസഭ ചെയർപേഴ്സൻ ഉഷ ശശിധരനും സ്കൂളുകൾക്കുള്ള ഇൻഷുറൻസ് പോളിസി ഏറ്റുവാങ്ങും.