അസഹിഷ്ണുതക്കെതിരെ ബോധവത്കരണവുമായി ല-ഡാക്കിലേക്ക് നാൽവർ സംഘം

വടുതല: അസഹിഷ്ണുതയും ആക്രമണവും നടമാടുന്ന കാലത്ത് ശാന്തിക്കും സമാധാനത്തിനും വേണ്ടി ബോധവത്കരണവുമായി ലഡാക്ക് മലനിരകളിലേക്ക് നാൽവർ സംഘത്തി​െൻറ സൈക്കിൾ യാത്ര. ചങ്ങനാശ്ശേരി സ​െൻറ് ജോസഫ് കോളജിലെ മൾട്ടിമീഡിയ വിദ്യാർഥികളായ ജിനു തോമസ്‌, സുര്യനാരായണൻ, ജെറിൻ തോമസ്‌, ആേൻറാ ദേവസ്യ എന്നിവരാണ് യാത്രസംഘത്തിൽ. ആലപ്പുഴയിൽനിന്നാണ് ഹിമാലയത്തി​െൻറ മടിത്തട്ടിലൂടെ ലഡാക്ക് മലനിരകളിലേക്ക് സൈക്കിൾ ചവിട്ടിത്തുടങ്ങിയത്. ഏതാണ്ട് രണ്ടുമാസം നീളും. യാത്രയിൽ പോസ്റ്റർ പ്രദർശനം, പ്രസംഗം എന്നിവയും സംഘടിപ്പിക്കുന്നുണ്ട്. പ്രാർഥനയും പിന്തുണയുമായി സുഹൃത്തുക്കളും കുടുംബവുംകൂടെയുണ്ട്. ഉല്ലാസപ്പാച്ചിലുകളിൽനിന്ന് മാറിയുള്ള ആത്മീയ അന്വേഷണംകൂടിയാണ് യാത്രയെന്ന് സംഘം പറയുന്നു.