‘മൂ​ന്നു​വ​ർ​ഷ​ത്തി​നു​ള്ളി​ൽ ബി.​എ​സ്​-–6 ന​ട​പ്പാ​കും’

കൊച്ചി: വാഹനമലിനീകരണം നിയന്ത്രിക്കാൻ ലക്ഷ്യമിട്ട് ഭാരത് സ്റ്റേജ്--3 വാഹനങ്ങൾ നിരോധിച്ച സുപ്രീംകോടതി വിധി ഓട്ടോമൊബൈൽ വ്യവസായത്തിൽ വലിയ തിരിച്ചടി ഉണ്ടാക്കുമെങ്കിലും 2020 ഓടെ ബി.എസ്--6 രാജ്യവ്യാപകമായി നിലവിൽവരുമെന്ന് ഓട്ടോമൊബൈൽ വിദഗ്ധനും പോപുലർ വെഹിക്കിൾസ് ആൻഡ് സർവിസസ് മാനേജിങ് ഡയറക്ടറുമായ ജോൺ കെ. പോൾ. കേരള മാനേജ്മെൻറ് അസോസിയേഷൻ (കെ.എം.എ) ഇന്ത്യയിലെയും വിദേശത്തെയും വാഹനരംഗത്തെപ്പറ്റി സംഘടിപ്പിച്ച സെമിനാറിൽ സംസാരിക്കുകയായിരുന്നു അദ്ദേഹം. വാഹനനിർമാതാക്കൾക്കും വിൽപനക്കാർക്കും ബി.എസ്--3 നിരോധനം തിരിച്ചടിയാണ്. എന്നാൽ, ബി.എസ്--6 വാഹനങ്ങൾ 2020 ൽ രാജ്യവ്യാപകമാകും. അതോടെ മലിനീകരണം പൂർണമായും ഇല്ലാതാക്കും. ഇന്ധന ഉപഭോഗത്തിലും വലിയ കുറവുണ്ടാകും. കെ.എം.എ പ്രസിഡൻറ് മാത്യു ജോസ് ഉറുമ്പത്ത് അധ്യക്ഷത വഹിച്ചു. േപ്രാഗ്രാം കമ്മിറ്റി അധ്യക്ഷ മരിയ എബ്രഹാം സ്വാഗതവും കെ.എം.എ സെക്രട്ടറി ആർ. മാധവ് ചന്ദ്രൻ നന്ദിയും പറഞ്ഞു.