Begin typing your search above and press return to search.
exit_to_app
exit_to_app
Posted On
date_range 27 Sep 2016 11:14 AM GMT Updated On
date_range 27 Sep 2016 11:14 AM GMTഹൈമാസ്റ്റ് ലൈറ്റ് തകര്ക്കല്: പ്രതികളുടെ വിവരം നല്കിയ യുവാവിന്െറ കൈ ഒടിച്ചു
text_fieldsbookmark_border
മൂവാറ്റുപുഴ: കക്കടാശ്ശേരിയില് ഹൈമാസ്റ്റ് ലൈറ്റ് തകര്ത്ത സംഭവത്തിലെ പ്രതികളെക്കുറിച്ച് പൊലീസിന് സൂചന നല്കിയ യുവാവിന്െറ കൈ തല്ലി ഒടിച്ചു. പടിഞ്ഞാറേ പുന്നമറ്റം മാട്ടയില് വീട്ടില് ബഷറുല് മുബീനിന്െറ(21) കൈയണ് ഒടിച്ചത്. ഞായറാഴ്ച വൈകിട്ട് അഞ്ചിന് പുന്നമറ്റത്താണ് സംഭവം. ആഗസ്റ്റിലാണ് ഹൈമാസ്റ്റ് ലൈറ്റ് തകര്ത്തത്. ജോയ്സ് ജോര്ജ് എം.പിയുടെ പ്രാദേശികഫണ്ട് ഉപയോഗിച്ച് പായിപ്ര പഞ്ചായത്തിന്െറ അതിര്ത്തിപ്രദേശമായ കക്കടാശ്ശേരിയില് സ്ഥാപിച്ച ലൈറ്റ് തകര്ത്തതിനെതിരെ പായിപ്ര പഞ്ചായത്ത് സെക്രട്ടറി മൂവാറ്റുപുഴ പൊലീസില് പരാതി നല്കിയിരുന്നു. ഇതേതുടര്ന്ന് മൂവാറ്റുപുഴ പൊലീസ് നാലുപേരെ അറസ്റ്റ് ചെയ്തിരുന്നു. ഇവരെ കോടതി റിമാന്ഡ് ചെയ്തു. കഴിഞ്ഞദിവസമാണ് ഇവര് ജാമ്യത്തിലിറങ്ങിയത്. ജാമ്യത്തിലിറങ്ങിയ പ്രതികള് ബഷറുല് മുബീനിനെ ഭീഷണിപ്പെടുത്തിയിരുന്നു. ഇവരുടെ ഒളിത്താവളം പൊലീസിന് പറഞ്ഞുകൊടുത്തു എന്നാരോപിച്ചാണ് കൈ തല്ലിയൊടിച്ചത്. പോത്താനിക്കാട് പൊലീസ് കേസെടുത്ത് അന്വേഷണം ആരംഭിച്ചു. ഒരാള് പൊലീസ് പിടിയിലായതായി സൂചനയുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story