നായരുകുളം നാടിന് സമര്‍പ്പിച്ചു

ആലങ്ങാട്: പഞ്ചായത്തിലെ നവീകരണം പൂര്‍ത്തിയായ നായരുകുളം വി.കെ. ഇബ്രാഹിംകുഞ്ഞ് എം.എല്‍.എ നാടിനു സമര്‍പ്പിച്ചു. നൂറ്റാണ്ടുകളോളം പഴക്കമുള്ള കുളം പ്രദേശവാസികള്‍ക്ക് ഉപയോഗപ്രദമായിരുന്നു. എന്നാല്‍, കുറച്ചുനാളുകളായി മാലിന്യം നിറഞ്ഞ് ശോച്യാവസ്ഥയിലായി. ഇപ്പോള്‍ എം.എല്‍.എ ഫണ്ട് ഉപയോഗിച്ചാണ് കുളം നവീകരണപ്രവര്‍ത്തനങ്ങള്‍ നടത്തിയിരിക്കുന്നത്. പഞ്ചായത്ത് പ്രസിഡന്‍റ് രത്നമ്മ സുമേഷ് അധ്യക്ഷത വഹിച്ചു. ജില്ലാപഞ്ചായത്ത് വൈസ് പ്രസിഡന്‍റ് അഡ്വ. ബി.എ.അബ്ദുല്‍ മുത്തലിബ്, ബ്ളോക്പഞ്ചായത്ത് പ്രസിഡന്‍റ് വിജു ചുള്ളിക്കാട്, പി.എസ്. ജഗദീശന്‍, അജ സാബു, കെ.എന്‍. ഉണ്ണി, ശ്രീകല മധു, റസിയ സവാദ്, കാഞ്ചന സോമന്‍, വി.ബി. ജബ്ബാര്‍, കെ.വി. പോള്‍, ബാബു മാത്യു എന്നിവര്‍ സംസാരിച്ചു.