കൊച്ചി മെട്രോ :തൃപ്പൂണിത്തുറയിലേക്ക് നീട്ടല്‍: പ്രാരംഭ നടപടി ആരംഭിച്ചു

കാക്കനാട്: കൊച്ചി മെട്രോ തൃപ്പൂണിത്തുറയിലേക്ക് നീട്ടുന്നതിന്‍െറ ഭാഗമായുള്ള പ്രാരംഭ നടപടി ആരംഭിച്ചതായി ജില്ലാ കലക്ടര്‍ എം.ജി. രാജമാണിക്യം പറഞ്ഞു. ഇതിന്‍െറ ഭാഗമായി സ്ഥലം ഏറ്റെടുക്കാനുള്ള സംയുക്ത പരിശോധന 21ന് നടക്കും. കെ.എം.ആര്‍.എല്‍ പ്രതിനിധികളും റവന്യൂ വകുപ്പില്‍നിന്ന് ഡെപ്യൂട്ടി തഹസില്‍ദാര്‍, ഡെപ്യൂട്ടി കലക്ടര്‍, സര്‍വെയര്‍ എന്നിവരുടെ സംഘമാണ് പരിശോധന നടത്തുക. പേട്ട മുതല്‍ തൃപ്പൂണിത്തുറ വരെ രണ്ട് കിലോമീറ്റര്‍ മെട്രോ റെയില്‍ പദ്ധതി നടപ്പാക്കുന്നത്. ആകെ 1.43 ഏക്കര്‍ സ്ഥലമാണ് ഇതിനായി ഏറ്റെടുക്കേണ്ടി വരുക. മെട്രോ യാര്‍ഡിന് രണ്ട് സ്റ്റേഷന്‍ ഉണ്ടാകും. അലയന്‍സ് ജങ്ഷനിലും തൃപ്പൂണിത്തുറ എസ്.എന്‍ ജങ്ഷനിലുമാണ് സ്റ്റേഷനുകള്‍ ഒരുക്കുന്നത്.