പ്രോജക്ട് മാനേജ്മെന്‍റ് കോണ്‍ഫറന്‍സ് ഉദ്ഘാടനം ചെയ്തു

കൊച്ചി: പ്രോജക്ട് മാനേജ്മെന്‍റ് പ്രഫഷനലുകളുടെ സംഘടനയായ പ്രോജക്ട് മാനേജ്മെന്‍റ് ഇന്‍സ്റ്റിറ്റ്യൂട്ടിന്‍െറ തിരുവനന്തപുരം കേരള, ചെന്നൈ ചാപ്റ്ററുകള്‍ സംയുക്തമായി സംഘടിപ്പിച്ച രണ്ടാം പ്രോജക്ട് മാനേജ്മെന്‍റ് റീജനല്‍ കോണ്‍ഫറന്‍സ് കൊച്ചിയില്‍ സിയാല്‍ മാനേജിങ് ഡയറക്ടര്‍ വി.ജെ. കുര്യന്‍ ഉദ്ഘാടനം ചെയ്തു. ഇന്ത്യന്‍ നേവിയിലെ കമ്മഡോര്‍ ജി. പ്രകാശ് മുഖ്യാതിഥിയായിരുന്നു. പി.എം.ഐ ഇന്ത്യ മാനേജിങ് ഡയറക്ടര്‍ രാജ് കാലടി, ചെന്നൈ ചാപ്റ്റര്‍ പ്രസിഡന്‍റ് പി. രാമസുബ്രഹ്മണ്യം എന്നിവര്‍ സംസാരിച്ചു. ടെറുമോ പെന്‍പോള്‍ ചെയര്‍മാനും മാനേജിങ് ഡയറക്ടറുമായ സി. പത്മകുമാര്‍, ജി.ഇ ഇന്ത്യ സി.ഐ.ഒ അന്തോണി തോമസ്, ഫോസ്റ്റര്‍ വീല എക്സിക്യൂട്ടിവ് ഡയറക്ടര്‍ വി.ടി. ചന്ദ്രശേഖര്‍ റാവു, കോഴിക്കോട് കലക്ടര്‍ എന്‍. പ്രശാന്ത് തുടങ്ങിയവര്‍ പ്രസംഗിച്ചു. പി.എം.ഐ തിരുവനന്തപുരം ചാപ്റ്റര്‍ പ്രസിഡന്‍റ് ഡോ. ബി.ടി. വിക്രം കുമാര്‍ സ്വാഗതം പറഞ്ഞു. ലോകത്തിലാദ്യമായി ഒരു എയര്‍പോര്‍ട്ടില്‍ സമ്പൂര്‍ണ സൗരോര്‍ജ പദ്ധതി നടപ്പാക്കിയതിന് സിയാലിനെ കോണ്‍ഫറന്‍സ് അഭിനന്ദിച്ചു.