കസ്റ്റഡിയില്‍നിന്ന് വിട്ട യുവാവിന്‍െറ ആത്മഹത്യ: മനുഷ്യാവകാശ കമീഷന്‍ ഉത്തരവ് റദ്ദാക്കി

കൊച്ചി: പൊലീസ് കസ്റ്റഡിയില്‍നിന്ന് വിട്ടയച്ച യുവാവിനെ ആത്മഹത്യചെയ്ത നിലയില്‍ കണ്ടത്തെിയ കേസ് ക്രൈം ബ്രാഞ്ച് അന്വേഷിക്കണമെന്ന മനുഷ്യാവകാശ കമീഷന്‍െറ ഉത്തരവ് ഹൈകോടതി റദ്ദാക്കി. മരട് പൊലീസ് കസ്റ്റഡിയിലെടുത്ത് വിട്ടയച്ചശേഷം ജീവനൊടുക്കിയ നിലയില്‍ കണ്ടത്തെിയ കുണ്ടന്നൂര്‍ സ്വദേശി സുഭാഷിന്‍െറ മരണം അന്വേഷിക്കണമെന്ന ഉത്തരവാണ് റദ്ദാക്കിയത്. പൊലീസിന്‍െറ കാര്യത്തില്‍ കമീഷന്‍ അധികാരമില്ലാതെ ഇടപെടുന്നുവെന്ന് കാണിച്ച് കൊച്ചി മേഖല ഐ.ജി സമര്‍പ്പിച്ച ഹരജിയിലാണ് ഉത്തരവ്. ക്രിമിനല്‍ കുറ്റങ്ങളുടെ അന്വേഷണത്തിലും നീതിയിലും അധികാരമില്ലാതെ ഇടപെടുന്നത് ശരിയല്ളെന്ന് ഹരജി പരിഗണിച്ച ജസ്റ്റിസ് എ. മുഹമ്മദ് മുഷ്താഖ് ചൂണ്ടിക്കാട്ടി. സുഭാഷിന്‍െറ മരണം ക്രൈംബ്രാഞ്ചിലെ ഡി.വൈ.എസ്.പിയില്‍ കുറയാത്ത റാങ്കുള്ള ഉദ്യോഗസ്ഥന്‍ അന്വേഷിക്കണമെന്നായിരുന്നു മനുഷ്യാവകാശ കമീഷന്‍െറ ഉത്തരവ്. മനുഷ്യാവകാശ കമീഷന്‍ ജുഡീഷ്യല്‍ ഫസ്റ്റ് ക്ളാസ് മജിസ്ട്രേറ്റ് കോടതിക്ക് സമാനമായ ഒന്നല്ല. കോടതിയുടെ അധികാരം ഉപയോഗിച്ച് ക്രിമിനല്‍ കേസുകളില്‍ കമീഷന് ഉത്തരവ് നല്‍കാനാകില്ളെന്നും കോടതി വ്യക്തമാക്കി.