അരൂര്‍ മത്സ്യമാര്‍ക്കറ്റ് അഴിമതി: പരാതി അന്വേഷിക്കാന്‍ വിജിലന്‍സ്

അരൂര്‍: അരൂര്‍ മത്സ്യമാര്‍ക്കറ്റിലെ താല്‍ക്കാലിക കെട്ടിട നിര്‍മാണത്തില്‍ അഴിമതി ആരോപിച്ച് നല്‍കിയ പരാതി അന്വേഷിക്കാന്‍ വിജിലന്‍സ് സംഘമത്തെി. അരൂര്‍ ഗ്രാമപഞ്ചായത്തിന്‍െറ കഴിഞ്ഞ ഭരണ കാലത്താണ് താല്‍ക്കാലിക മാര്‍ക്കറ്റ് കെട്ടിടം നിര്‍മിച്ചത്. പഴയ മാര്‍ക്കറ്റ് കെട്ടിടം പൊളിച്ചുനീക്കി ഹൈടെക് സംവിധാനത്തില്‍ പുതിയ മാര്‍ക്കറ്റ് കെട്ടിടം നിര്‍മിക്കുന്ന കാലയളവില്‍ മത്സ്യ കച്ചവടവും ലേലവും മറ്റും നടത്തുന്നതിന് നിര്‍മിച്ചതാണ് താല്‍ക്കാലിക മാര്‍ക്കറ്റ് കെട്ടിടം. ആദ്യം അനുവദിച്ച ലക്ഷങ്ങല്‍ക്കു പുറമെ വീണ്ടും തുക മുടക്കിയതിനെതിരെയാണ് പരാതി. യു.ഡി.എഫ് നേതൃത്വം താല്‍ക്കാലിക മാര്‍ക്കറ്റ് കെട്ടിടത്തിന്‍െറ ഉദ്ഘാടനം നടത്താന്‍ ശ്രമം നടത്തിയെങ്കിലും എല്‍.ഡി.എഫ് പ്രവര്‍ത്തകര്‍ ചടങ്ങ് അലങ്കോലപ്പെടുത്തി തടസ്സപ്പെടുത്തുകയായിരുന്നു. ഇപ്പോഴും അഴുക്ക് നിറഞ്ഞുകിടക്കുന്ന മര്‍ക്കറ്റ് കെട്ടിടത്തില്‍തന്നെയാണ് മത്സ്യകച്ചവടം നടക്കുന്നത്. ലക്ഷങ്ങള്‍ മുടക്കി നിര്‍മിച്ച താല്‍ക്കാലിക കെട്ടിടം ഉപയോഗശൂന്യമായി കിടക്കുകയാണ്.