സി.പി.എം പ്രവര്‍ത്തകന് മര്‍ദനമേറ്റ സംഭവം: മൂന്നുപേര്‍ അറസ്റ്റില്‍

ആലുവ: എടത്തലയില്‍ സി.പി.എം പ്രവര്‍ത്തകന് മര്‍ദനമേറ്റ കേസുമായി ബന്ധപ്പെട്ട് മൂന്നുപേരെ ആലുവ പൊലീസ് അറസ്റ്റ് ചെയ്തു. മണലിമുക്ക് ശിവഗിരി താന്തോന്നിമുകള്‍ കുഞ്ഞപ്പന്‍ (62), എന്‍.എ.ഡി കള്ളിക്കാട്ടുകുടി അരുണ്‍ രാജ് (23), കള്ളിക്കാട്ടുകുടി രാജപ്പന്‍ (54) എന്നിവരെയാണ് എസ്.ഐ സന്തോഷ് കുമാറിന്‍െറ നേതൃത്വത്തില്‍ അറസ്റ്റ് ചെയ്തത്. പ്രതികള്‍ മുന്‍വൈരാഗ്യം വെച്ച് സുരാജിനെ ആക്രമിക്കുകയായിരുന്നുവെന്ന് പൊലീസ് പറയുന്നു. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു. എടത്തല ശിവഗിരി സി.പി.എം ബ്രാഞ്ചംഗമായ ശിവഗിരി മുണ്ടക്കാപറമ്പില്‍ പരേതനായ ശിവന്‍െറ മകന്‍ എം.എസ്. സുരാജ് കുമാറിനാണ് (43) മര്‍ദനമേറ്റത്. ഞായറാഴ്ച വൈകുന്നേരം 6.30ഓടെ ശിവഗിരിയിലാണ് ആക്രമണമുണ്ടായത്.