പറവൂരിലെ രണ്ടുസ്കൂളില്‍ നുണ ബോംബ്

പറവൂര്‍: നഗരത്തിലെ രണ്ട് സ്കൂളില്‍ വ്യാജ ബോംബ് ഭീഷണി. പറവൂര്‍ ഗവ. ബോയ്സ് ഹയര്‍ സെക്കന്‍ഡറി സ്കൂള്‍, സെന്‍റ് അലോഷ്യസ് ഹൈസ്കൂള്‍ എന്നിവിടങ്ങളിലുമാണ് ബോംബ് വെച്ചെന്ന സന്ദേശം ലഭിച്ചത്. രാവിലെ 10.30 ഓടെ ആലുവയിലെ കണ്‍ട്രോള്‍ റൂമിലാണ് അറിയിപ്പ് എത്തിയത്. ഉടന്‍ ഡിവൈ.എസ്.പി മുഖേന പറവൂര്‍ സ്റ്റേഷനില്‍ വിവരം അറിയിച്ചു. സി.ഐ എസ്. ജയകൃഷ്ണന്‍, എസ്.ഐ ടി.വി. ഷിബു എന്നിവരുടെ നേതൃത്വത്തില്‍ പൊലീസ് സംഘം രണ്ട് സ്കൂളിലും പാഞ്ഞത്തെി സുരക്ഷാസന്നാഹം ഏര്‍പ്പെടുത്തി. വിദ്യാര്‍ഥികളെ ക്ളാസുകളില്‍നിന്ന് പുറത്തേക്കുമാറ്റി പരിശോധിച്ചു. എന്നാല്‍, ഒന്നും കണ്ടത്തൊന്‍ കഴിഞ്ഞില്ല. കളമശ്ശേരി എ.ആര്‍ ക്യാമ്പിലേക്ക് വിളിച്ച് ബോംബ് സ്ക്വാഡിനെ വിവരം അറിയിച്ചു. ക്യാമ്പില്‍നിന്ന് 11.30 ഓടെതന്നെ പരിശീലനം ലഭിച്ച പൊലീസ് നായ ഉള്‍പ്പെടെ സ്ഥലത്തത്തെി പരിശോധിച്ചു. ആദ്യം ഗവ. ബോയ്സ് ഹൈസ്കൂളിലാണ് ഒന്നര മണിക്കൂറോളം നീണ്ട പരിശോധന നടത്തിയത്. ഇവിടെ ഓരോ ക്ളാസ് മുറിയും വിദ്യാര്‍ഥികളുടെ ബാഗുകളും ഒഴിഞ്ഞ പുതിയ മുറികളും പരിശോധിച്ചു. എന്നാല്‍, അസാധാരണമായ ഒന്നും കണ്ടത്തൊന്‍ കഴിഞ്ഞില്ല. പിന്നീട് സെന്‍റ് അലോഷ്യസ് സ്കൂളിലും പരിശോധന നടത്തി. ഇവിടെയും കുട്ടികളുടെ ബാഗുകളും ക്ളാസ്മുറികളും മറ്റിടങ്ങളിലും പരിശോധിച്ചു. ഇവിടത്തെ വിദ്യാര്‍ഥികളെയും സുരക്ഷയുടെ ഭാഗമായി പുറത്തേക്ക് മാറ്റിയിരുന്നു. ഇതോടെ നുണ ബോംബാണെന്ന് പൊലീസിനും സ്കൂള്‍ അധികൃതര്‍ക്കും മനസ്സിലായി. മുനിസിപ്പല്‍ ബസ് സ്റ്റാന്‍ഡിലെ ഒരു കടയിലെ കോയിന്‍ ബൂത്തില്‍നിന്നാണ് ബോംബ് സന്ദേശം വന്നതെന്ന് പൊലീസ് പറഞ്ഞു. വ്യാജ ബോംബ് സന്ദേശത്തെ തുടര്‍ന്ന് ഹൈസ്കൂളില്‍ ഉള്‍പ്പെടെ പഠനം മുടങ്ങിയെങ്കിലും പ്ളസ് ടു വിദ്യാര്‍ഥികളുടെ ഇംപ്രൂമെന്‍റ് പരീക്ഷ മുടക്കമില്ലാതെ നടന്നു.