വിദ്യാർഥികൾക്ക് മാസ്​ക്കുകൾ വീടുകളിലെത്തിക്കും

നീലേശ്വരം: എസ്.എസ്.എൽ.സി, ഹയർ സെക്കൻഡറി, വൊക്കേഷനൽ ഹയർ സെക്കൻഡറി പരീക്ഷകൾ എഴുതുന്ന നീലേശ്വരം നഗരസഭ പരിധിയിലെ എല്ലാ വിദ്യാർഥികൾക്കും മാസ്ക്കുകൾ വീടുകളിൽ എത്തിച്ചുകൊടുക്കും. കൗൺസിലർമാരുടെ നേതൃത്വത്തിൽ കുടുംബശ്രീ പ്രവർത്തകരും ആരോഗ്യ ജാഗ്രതാസമിതി അംഗങ്ങളും വിതരണം ആരംഭിച്ചു. മറ്റു പ്രദേശങ്ങളിലെ വിദ്യാലയങ്ങളിൽ പരീക്ഷയെഴുതുന്ന നീലേശ്വരം നിവാസികളായ വിദ്യാർഥികൾക്കും മാസ്ക്കുകൾ നഗരസഭ നൽകുന്നുണ്ട്. പരീക്ഷ നടക്കുന്ന എല്ലാ വിദ്യാലയങ്ങളും നഗരസഭയുടെ നേതൃത്വത്തിൽ തൊഴിലുറപ്പു തൊഴിലാളികളുടെയും ആരോഗ്യ വിഭാഗത്തിൻെറയും നേതൃത്വത്തിൽ ശുചീകരിക്കുകയും അണുമുക്തമാക്കുകയും ചെയ്യുന്ന പ്രവൃത്തി പൂർത്തിയാക്കി. എല്ലാ ക്ലാസ്മുറികളിലും സാനിറ്റൈസർ സൗകര്യം ഒരുക്കിയിട്ടുണ്ട്. അവലോകന യോഗത്തിൽ നഗരസഭ ചെയർമാൻ പ്രഫ. കെ.പി. ജയരാജൻ അധ്യക്ഷത വഹിച്ചു. വൈസ് ചെയർപേഴ്സൻ വി. ഗൗരി, വിവിധ സ്റ്റാൻഡിങ് കമ്മിറ്റി ചെയർമാന്മാരായ പി.പി. മുഹമ്മദ് റാഫി, പി.എം. സന്ധ്യ, കൗൺസിലർമാരായ എറുവാട്ട് മോഹനൻ, കെ. തങ്കമണി, ഐഷാബി എന്നിവർ സംസാരിച്ചു. ഹെൽപ് ഡെസ്ക് നമ്പർ: 9496743666, 9400106817. പടം... nlr student maskവിദ്യാർഥികൾക്ക് നൽകാനുള്ള മാസ്ക് നീലേശ്വരം നഗരസഭ ചെയർമാൻ പ്രഫ. കെ.പി. ജയരാജന് വിദ്യാഭ്യാസ സ്ഥിരം സമിതി അധ്യക്ഷൻ പി.പി. മുഹമ്മദ് റാഫി കൈമാറുന്നു