ജനറല്‍ ആശുപത്രിയില്‍ രക്തത്തിന് ഇരട്ടി വില: യൂത്ത്ലീഗ് പ്രക്ഷോഭത്തിലേക്ക്

കാസര്‍കോട്: കാസര്‍കോട് ജനറല്‍ ആശുപത്രിയോടനുബന്ധിച്ച് പ്രവര്‍ത്തിക്കുന്ന ബ്ളഡ് ബാങ്കില്‍ രക്തത്തിന് 500രൂപയില്‍ല്‍നിന്നും 1050 ആയി വര്‍ധിപ്പിച്ചതിനെതിരെ പ്രക്ഷോഭം നടത്തുമെന്ന് മുസ്ലിം യൂത്ത്ലീഗ് മണ്ഡലം പ്രസിഡന്‍റ് സഹീര്‍ ആസിഫ്, ജനറല്‍ സെക്രട്ടറി സിദ്ദീഖ് സന്തോഷ് നഗര്‍ എന്നിവര്‍ അറിയിച്ചു. ബി.പി.എല്‍ വിഭാഗത്തിന് മാത്രമാണ് സൗജന്യമായി രക്തം നല്‍കുന്നത്. കാഞ്ഞങ്ങാട് ജില്ലാ ആശുപത്രിയില്‍ ആശുപത്രി വികസന സമിതിയുടെ ഇടപെടലിനെ തുടര്‍ന്ന് അധികൃതര്‍ വില വര്‍ധന പിന്‍വലിച്ചിരിക്കുകയാണ്. എന്നാല്‍, ജനറല്‍ ആശുപത്രിയില്‍ രക്ത വില കുറക്കാന്‍ ഇടപെടലുണ്ടായില്ല.