അടുക്കസ്ഥലയില്‍ ചന്ദനക്കടത്ത് പിടികൂടി

ബദിയടുക്ക: ചന്ദനമുട്ടികളുമായി വന്നയാള്‍ എക്സൈസ് അധികൃതര്‍ വാഹനം പരിശോധിക്കുന്നത് കണ്ട് സ്കൂട്ടര്‍ ഉപേക്ഷിച്ച് രക്ഷപ്പെട്ടു. കര്‍ണാടകയില്‍നിന്ന് പെര്‍ള ഭാഗത്തേക്ക് വരുന്നതിനിടയിലാണ് അടുക്കസ്ഥലയില്‍ സ്കൂട്ടര്‍ ഉപേക്ഷിച്ച് രക്ഷ പ്പെട്ടത്. 15 കിലോ ചന്ദനമുട്ടികള്‍ ചാക്കിലുണ്ടായിരുന്നു. ആര്‍.സി ഉടമ അബ്ദുല്‍ഹമീദിനെതിരെ കേസെടുത്തു. ചന്ദനമുട്ടികള്‍ വനംവകുപ്പിന് കൈമാറിയതായി അധികൃതര്‍ അറിയിച്ചു. എം.വി. മനീഷ്കുമാര്‍, പി. രാജീവന്‍, ബാലകൃഷ്ണ എന്നിവര്‍ സംഘത്തിലുണ്ടായിരുന്നു.