ബി.പി.എല്‍ കാര്‍ഡുടമകള്‍ക്ക് സൗജന്യമായി 25 കിലോ അരി

കാസര്‍കോട്: ഈ മാസം ജില്ലയില്‍ ബി.പി.എല്‍ കാര്‍ഡുടമകള്‍ക്ക് സൗജന്യമായി 25 കിലോ അരിയും രണ്ടു രൂപ നിരക്കില്‍ എട്ടു കിലോ ഗോതമ്പും ലഭിക്കുമെന്ന് ജില്ലാ സപൈ്ള ഓഫിസര്‍ അറിയിച്ചു. എ.പി.എല്‍ കാര്‍ഡുടമകള്‍ക്ക് 8.90 രൂപ നിരക്കില്‍ 10 കിലോ അരിയും 6.70 രൂപ നിരക്കില്‍ രണ്ടു കിലോ ഗോതമ്പും എ.പി.എല്‍ സബ്സിഡി കാര്‍ഡുടമകള്‍ക്ക് രണ്ടു രൂപ നിരക്കില്‍ 10 കിലോ അരിയും 6.70 രൂപ നിരക്കില്‍ രണ്ടു കിലോ ഗോതമ്പും ലഭിക്കും. എ.എ.വൈ കാര്‍ഡുടമകള്‍ക്ക് 35 കിലോ അരിയും അന്നപൂര്‍ണ കാര്‍ഡുടമകള്‍ക്ക് 10 കിലോ അരിയും സൗജന്യമായി ലഭിക്കും. ജില്ലയിലെ മുഴുവന്‍ വൈദ്യുതീകരിച്ച വീട്ടിലെ റേഷന്‍കാര്‍ഡിന് ഒരു ലിറ്റര്‍ വീതവും വൈദ്യുതീകരിക്കാത്ത വീട്ടിലെ കാര്‍ഡിന് നാലു ലിറ്റര്‍ വീതവും മണ്ണെണ്ണ ലിറ്ററിന് 18 രൂപ നിരക്കില്‍ ലഭിക്കും. എല്ലാ എ.പി.എല്‍ കാര്‍ഡുടമകള്‍ക്കും രണ്ടുകിലോ വീതം ഫോര്‍ട്ടിഫൈഡ് ആട്ട 15 രൂപ നിരക്കില്‍ ലഭിക്കും. എന്‍ഡോസള്‍ഫാന്‍ ദുരിതബാധിതര്‍ക്ക് സൗജന്യമായി അവര്‍ക്ക് അര്‍ഹതപ്പെട്ട അരിവിഹിതം ലഭിക്കും. കാര്‍ഡുടമകള്‍ അര്‍ഹതപ്പെട്ട റേഷന്‍സാധനങ്ങള്‍ നിശ്ചിത അളവിലും തൂക്കത്തിലും വിലയിലും ബില്‍ സഹിതം റേഷന്‍ കടകളില്‍നിന്ന് വാങ്ങണം. പരാതികള്‍ അറിയിക്കാന്‍ ബന്ധപ്പെടുക: താലൂക്ക് സപൈ്ള ഓഫിസ് കാസര്‍കോട്: 04994-230108, താലൂക്ക് സപൈ്ള ഓഫിസ് ഹോസ്ദുര്‍ഗ്: 04672-204044, താലൂക്ക് സപൈ്ള ഓഫിസ് മഞ്ചേശ്വരം: 04998-240089, താലൂക്ക് സപൈ്ള ഓഫിസ് വെള്ളരിക്കുണ്ട്: 04672-242720, ജില്ലാ സപൈ്ള ഓഫിസ് കാസര്‍കോട്: 04994-255138, ടോള്‍ഫ്രീ നമ്പര്‍ (1) 1800-425-1550 (2) 1967 എന്നീ നമ്പറുകളില്‍ അറിയിക്കണം.