ഡിഫ്തീരിയ: ഇതരസംസ്ഥാന തൊഴിലാളികള്‍ക്ക് പ്രതിരോധ കുത്തിവെപ്പ്

കാസര്‍കോട്: മഞ്ചേശ്വരത്തെ ഇതരസംസ്ഥാന തൊഴിലാളികള്‍ക്ക് ഡിഫ്തീരിയ പ്രതിരോധ കുത്തിവെപ്പ് നടത്തി. സ്വകാര്യ പൈ്ളവുഡ് ഫാക്ടറിയിലെ 80ഓളം തൊഴിലാളികള്‍ക്കാണ് കുത്തിവെപ്പ് നടത്തിയത്. ഈ ഫാക്ടറിയിലെ അസം സ്വദേശിയായ തൊഴിലാളി ഡിഫ്തീരിയ ബാധിച്ചാണ് മരിച്ചതെന്ന സംശയം നിലനില്‍ക്കുന്ന സാഹചര്യത്തിലാണ് കുത്തിവെപ്പ് നടത്തിയത്. ഇതരസംസ്ഥാന തൊഴിലാളികള്‍ ജോലിചെയ്യുന്ന മഞ്ചേശ്വരത്തെ മറ്റു രണ്ടു സ്വകാര്യ ഫാക്ടറികളില്‍കൂടി ഇന്നും നാളെയും മഞ്ചേശ്വരം പ്രാഥമിക കേന്ദ്രത്തിന്‍െറ ആഭിമുഖ്യത്തില്‍ ഡിഫ്തീരിയ പ്രതിരോധ കുത്തിവെപ്പ് നടത്തും. ബുധനാഴ്ച നടത്തിയ കുത്തിവെപ്പിന് മഞ്ചേശ്വരം പി.എച്ച്.സിയിലെ ഡോ. ഷൈന നേതൃത്വം നല്‍കി. പൈ്ളവുഡ് ഫാക്ടറി തൊഴിലാളി മരിച്ചത് ഡിഫ്തീരിയ രോഗബാധയെ തുടര്‍ന്നാണെന്ന് സ്ഥിരീകരിച്ചിട്ടില്ളെന്ന് ആരോഗ്യവകുപ്പ് അധികൃതര്‍ അറിയിച്ചു.