ഗവ. കോളജ് സംഘട്ടനം: 36പേര്‍ക്കെതിരെ കേസെടുത്തു

കാസര്‍കോട്: കാസര്‍കോട് ഗവ. കോളജില്‍ എം.എസ്.എഫ് -എസ്.എഫ്.ഐ പ്രവര്‍ത്തകര്‍ തമ്മില്‍ ഏറ്റുമുട്ടിയ സംഭവത്തില്‍ രണ്ട് പരാതിയിലായി 36 പേര്‍ക്കെതിരെ ടൗണ്‍ പൊലീസ് കേസെടുത്തു. എം.എസ്.എഫ് പ്രവര്‍ത്തകന്‍ ചെമ്മനാട് ബിലാലിന്‍െറ പരാതിയില്‍ എസ്.എഫ്.ഐ പ്രവര്‍ത്തകരായ സജീഷ്, ശ്യാം സെബാസ്റ്റ്യന്‍, സവാദ്, ശ്യാം, അനീഷ്, അശ്വിന്‍ എന്നിവര്‍ക്കെതിരെയും എസ്.എഫ്.ഐ പ്രവര്‍ത്തകന്‍ പൊവ്വലിലെ എം. ധനേഷിന്‍െറ പരാതിയില്‍ എം.എസ്.എഫ് പ്രവര്‍ത്തകരായ മുര്‍ശിദ്, ഫായിസ്, സിദ്ദിഖ്, അസീബ്, സഹദ്, സാഹിദ്, അന്‍സാര്‍, സല്‍മാന്‍ തുടങ്ങി 30 പേര്‍ക്കെതിരെയുമാണ് പൊലീസ് കേസെടുത്തത്. സംഘട്ടനത്തില്‍ എം.എസ്.എഫ് പ്രവര്‍ത്തകരായ സഹദ് (20), കോപ്പയിലെ പി.എ. അന്‍വര്‍ സല്‍മാന്‍ (19), ബിലാല്‍ (19), നെല്ലിക്കട്ടയിലെ സിദ്ദീഖ് (21), സിറ്റിസണ്‍ നഗറിലെ സിദ്ദീഖ് (18), എസ്.എഫ്.ഐ പ്രവര്‍ത്തകരായ പൊവ്വലിലെ എം. ധനേഷ് (18), പെരിയയിലെ വി. അശ്വിന്‍ (19), ബാര തൊട്ടിയിലെ മിഥുന്‍ രാജ് (19) എന്നിവര്‍ക്കാണ് പരിക്കേറ്റത്.