യുവാവിനെ കുത്തിപ്പരിക്കേല്‍പിച്ച സംഭവം: 15 പേര്‍ക്കെതിരെ വധശ്രമത്തിന് കേസ്

കാഞ്ഞങ്ങാട്: സി.പി.എം പ്രവര്‍ത്തകനെ കുത്തിപ്പരിക്കേല്‍പിച്ച സംഭവത്തില്‍ 15 മുസ്ലിംലീഗ് പ്രവര്‍ത്തകര്‍ക്കെതിരെ ഹോസ്ദുര്‍ഗ് പൊലീസ് കേസെടുത്തു. ചിത്താരി കൊട്ടിലങ്ങാട് അജിത്തിനെ (26) ശനിയാഴ്ച രാത്രിയാണ് ഒരുസംഘം ബൈക്ക് തടഞ്ഞിട്ട് കുത്തിപ്പരിക്കേല്‍പിച്ചത്. ഇതുമായി ബന്ധപ്പെട്ട് മുസ്ലിംലീഗ് പ്രവര്‍ത്തകരായ ജബ്ബാര്‍, ജാസറുദ്ദീന്‍ അഷ്ഫാഖ്, നസറുദ്ദീന്‍, മുഹമ്മദ് ഷാഫി, അഹമ്മദ് ദിര്‍ഷാദ്, ഖമറുദ്ദീന്‍, ജബ്ബാര്‍ എന്നിവരടക്കം കണ്ടാലറിയാവുന്ന 15 പേര്‍ക്കെതിരെയാണ് പൊലീസ് വധശ്രമത്തിന് കേസെടുത്തത്.