ബൈക്കിലത്തെിയ ആള്‍ വീട്ടമ്മയുടെ സ്വര്‍ണമാല തട്ടിപ്പറിച്ചു

മംഗളൂരു: മേല്‍വിലാസം ചോദിച്ച് വഴിയാത്രക്കാരിയായ വീട്ടമ്മയെ സമീപിച്ച ആള്‍ കഴുത്തിലെ സ്വര്‍ണമാല തട്ടിപ്പറിച്ചു കടന്നുകളഞ്ഞതായി പരാതി. ബപ്പനാട് ബീച്ച് റോഡിലാണ് സംഭവം. വീട്ടമ്മമാരായ ബപ്പനാടെ പുഷ്പ സാലിയനും സരസ്വതിയും വീട്ടിലേക്ക് നടന്നു പോകുമ്പോള്‍ ബൈക്കിലത്തെിയ യുവാവ് ഒരാളുടെ മേല്‍വിലാസം തിരക്കി ഇവരെ സമീപിക്കുകയായിരുന്നു. വിലാസം പറഞ്ഞു കൊടുക്കുന്നതിനിടെ യുവാവ് പുഷ്പയുടെ കഴുത്തില്‍ കിടന്ന 70,000 ത്തോളം രൂപ വിലവരുന്ന മാല തട്ടിപ്പറിച്ച് രക്ഷപ്പെട്ടു. പുഷ്പയുടെ പരാതിയില്‍ മുള്‍ക്കി പൊലീസ് കേസെടുത്തു.