കട്ടത്തടുക്കയില്‍ മൊബൈല്‍ഫോണ്‍ കടയില്‍ മോഷണം

കുമ്പള: കട്ടത്തടുക്കയില്‍ മൊബൈല്‍ ഫോണ്‍ കടയില്‍ മോഷണം. അംഗടിമുഗര്‍ കൊട്ടൂഡല്‍ ഹൗസില്‍ മുഹമ്മദിന്‍െറ മകന്‍ അബ്ദുല്ലയുടെ കടയില്‍ മോഷണം നടന്നതായി ചൊവ്വാഴ്ച രാവിലെയാണ് കണ്ടത്. കടയുടെ പൂട്ട് പൊളിച്ചാണ് മോഷ്ടാക്കള്‍ അകത്തുകടന്നത്. അഞ്ച് പുതിയ മൊബൈല്‍ ഫോണുകളും ഉപഭോക്താക്കള്‍ നന്നാക്കാന്‍ ഏല്‍പിച്ച എട്ട് മൊബൈല്‍ ഫോണുകളും മെമ്മറി കാര്‍ഡും പെന്‍ഡ്രൈവുമാണ് മോഷ്ടാക്കള്‍ കൊണ്ടുപോയത്. 40,000ത്തില്‍പരം രൂപയുടെ നഷ്ടം കണക്കാക്കുന്നതായി പൊലീസ് പറഞ്ഞു. അബ്ദുല്ലയുടെ പരാതിയില്‍ കേസെടുത്ത് പൊലീസ് അന്വേഷണം ആരംഭിച്ചു.