വില തിരുത്തി വില്‍പന: ആറ് സ്ഥാപനങ്ങള്‍ക്കെതിരെ കേസ്

കാസര്‍കോട്: വില്‍പന വില തിരുത്തിയും അധിക വില ഈടാക്കിയും ചൈനീസ് ഉല്‍പന്നങ്ങള്‍ വില്‍പന നടത്തിയ ആറ് വ്യാപാര സ്ഥാപനങ്ങള്‍ക്കെതിരെ കേസെടുത്തു. ലീഗല്‍ മെട്രോളജി നിര്‍വഹണ ഉദ്യോഗസ്ഥര്‍ നടത്തിയ പരിശോധനയിലാണ് കേസ് രജിസ്റ്റര്‍ ചെയ്തത്. ജില്ലയിലെ ലീഗല്‍ മെട്രോളജി ഫ്ളയിങ് സ്ക്വാഡ് അസിസ്റ്റന്‍റ് കണ്‍ട്രോളറുടെ നേതൃത്വത്തിലായിരുന്നു പരിശോധന. ഇറക്കുമതി ചെയ്ത സ്പെയര്‍പാര്‍ട്സുകളും കളിപ്പാട്ടങ്ങളുമാണ് കണ്ടത്തെിയ കേസുകളിലധികവും വില്‍പന നടത്തിയത്.