മാലിന്യക്കൂമ്പാരം മാറ്റി നീലേശ്വരം നഗരസഭ ജൈവകൃഷി ഒരുക്കി

നീലേശ്വരം: ബസ്സ്റ്റാന്‍ഡ് പരിസരത്ത് കുന്നുകൂടിയ മാലിന്യക്കൂമ്പാരം നഗരസഭാ അധികൃതര്‍ മാറ്റി. എക്സ്കവേറ്റര്‍ ഉപയോഗിച്ച് നിലം വൃത്തിയാക്കി ജൈവകൃഷി നടത്തി. മാലിന്യം നിറഞ്ഞ സ്ഥലത്ത് കപ്പയും വാഴയും നടാന്‍ കുടുംബശ്രീ പ്രവര്‍ത്തകര്‍ തയാറായി. ജൈവകൃഷിയുടെ ഉദ്ഘാടനം കപ്പ കൃഷി ചെയ്ത് നഗരസഭാ ചെയര്‍പേഴ്സന്‍ വി. ഗൗരി ഉദ്ഘാടനം ചെയ്തു. നഗരസഭാംഗങ്ങളായ ഇ. ഷജീര്‍, എന്‍. അമ്പു, കെ. കാര്‍ത്യായനി, കെ. ജാനു, ദാക്ഷായണി, ടി.വി. ശാന്ത, കെ.വി. ദാമോദരന്‍, നഗരസഭാ സെക്രട്ടറി എന്‍.കെ. ഹരീഷ് എന്നിവര്‍ ചടങ്ങില്‍ പങ്കെടുത്തു.