ഉത്തര മലബാർ കർഷകപ്രക്ഷോഭം; പ്രതിഷേധമിരമ്പി
text_fieldsഇരിട്ടി: ഉത്തരമലബാർ കർഷകപ്രക്ഷോഭത്തിെൻറ ഭാഗമായുള്ള തെരുവു യോഗങ്ങളിൽ കർഷക പ്രതിഷേധം ഇരമ്പി. എടൂർ ഫൊറോനയിലെ അഞ്ച് കേന്ദ്രങ്ങളിൽ വിവിധ ഇടവക പ്രക്ഷോഭ കർമ സമിതികളുടെ നേതൃത്വത്തിൽ നടത്തിയ കർഷകപ്രകടനത്തിലും പൊതുയോഗങ്ങളിലും ആയിരങ്ങളാണ് എത്തിച്ചേർന്നത്.
കാർഷികമേഖലയിലെ പ്രതിസന്ധികൾക്ക് പരിഹാരം കാണണമെന്നാവശ്യപ്പെട്ട് തലശ്ശേരി അതിരൂപത നേതൃത്വം കൊടുക്കുന്ന ഉത്തര മലബാർ കർഷകപ്രക്ഷോഭത്തിെൻറ രണ്ടാം ഘട്ടമായാണ് എടൂർ ഫൊറോന പരിധിയിലെ എടൂർ, ചെടിക്കുളം, വെളിമാനം, കീഴ്പ്പള്ളി, കരിക്കോട്ടക്കരി എന്നിവിടങ്ങളിൽ ഇന്നലെ തെരുവുയോഗങ്ങൾ നടത്തിയത്. എടൂരിൽ ആറളം പഞ്ചായത്ത് പ്രസിഡൻറ് ഷിജി നടുപ്പറമ്പിൽ ഉദ്ഘാടനം ചെയ്തു. സെൻറ് മേരീസ് ഫൊറോന വികാരി ഫാ. ആൻറണി മുതുകുന്നേൽ അധ്യക്ഷതവഹിച്ചു. പഴയ പോസ്റ്റ് ഓഫിസ് കവലയിൽനിന്ന് എടൂർ ടൗണിലേക്ക് പ്രകടനം നടത്തി. കീഴ്പ്പള്ളിയിൽ മാങ്ങോട്, കീഴ്പ്പള്ളി ഇടവകകളുടെ നേതൃത്വത്തിൽ നടത്തിയ പ്രകടനവും പൊതുയോഗവും കീഴ്പ്പള്ളി ചാവറ പള്ളി വികാരി ഫാ. ജോർജ് തെക്കുംചേരി ഉദ്ഘാടനംചെയ്തു. മാങ്ങോട് സെൻറ് മേരീസ് പള്ളി വികാരി ഫാ. ജേക്കബ് കുറ്റിക്കാട്ടുകുന്നേൽ അധ്യക്ഷതവഹിച്ചു.
ആറളം പഞ്ചായത്ത് വൈസ് പ്രസിഡൻറ് കെ. വേലായുധൻ, ജില്ല പഞ്ചായത്ത് അംഗം മാർഗരറ്റ് ജോസ്, കീഴ്പ്പള്ളി ജുമാമസ്ജിദ് ഖത്തീബ് അബ്്ദുസ്സമദ് ദാരിമി, കെ.എൻ. സോമൻ, സ്കറിയ കളപ്പുരയ്ക്കൽ, റഷീദ് പാനേരി, കീഴ്പ്പള്ളി ഇടവക കോഓഡിനേറ്റർ ജെയിംസ് പുളിയാനിക്കാട്ട്, മാങ്ങോട് ഇടവക കോ ഓഡിനേറ്റർ ജോസ് തുണ്ടത്തിൽ എന്നിവർ സംസാരിച്ചു. ചെടിക്കുളം ടൗണിൽ കർഷകപ്രകടനവും പൊതുയോഗവും ആറളം പഞ്ചായത്ത് പ്രസിഡൻറ് ഷിജി നടുപ്പറമ്പിൽ ഉദ്ഘാടനംചെയ്തു. ഫൊറോന കർഷക കർമസമിതി ചെയർമാൻ ഫാ. ജോൺ പൊന്നമ്പേൽ അധ്യക്ഷത വഹിച്ചു. വെളിമാനത്ത് കർഷക പ്രതിഷേധയോഗം പാസ്റ്ററൽ കൗൺസിൽ സെക്രട്ടറി ജോർജ് തയ്യിൽ ഉദ്ഘാടനംചെയ്തു. വികാരി ഫാ. ഡോ. ജോസഫ് വാരണത്ത് അധ്യക്ഷതവഹിച്ചു. പന്തം കൊളുത്തി പ്രകടനവും നടത്തി. കരിക്കോട്ടക്കരി ടൗണിൽ ഉരുപ്പുംകുറ്റി, കരിക്കോട്ടക്കരി പള്ളികളുടെ നേതൃത്വത്തിൽ നടത്തിയ കർഷകപ്രകടനവും പൊതുയോഗവും കരിക്കോട്ടക്കരി സെൻറ് തോമസ് പള്ളി വികാരി ഫാ. ആൻറണി പുന്നൂർ ഉദ്ഘാടനംചെയ്തു. കോഓഡിനേറ്റർ കെ.വി. സെബാസ്റ്റ്യൻ അധ്യക്ഷതവഹിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.