പ്രകാശൻ കുട്ടമത്ത് അനുസ്മരണവും അവാർഡ് വിതരണവും

ചെറുവത്തൂർ: ചെറുവത്തൂർ പ്രസ്ഫോറം, നീലേശ്വരം സി നെറ്റ് ചാനൽ, നോർത്ത് മലബാർ കാബിൾ ടി.വി നെറ്റ്വർക്ക് എന്നിവയുടെ നേതൃത്വത്തിൽ സംഘടിപ്പിച്ച മാധ്യമപ്രവർത്തകൻ പ്രകാശൻ കുട്ടമത്ത് അനുസ്മരണവും അവാർഡ് വിതരണവും ചെറുവത്തൂർ പഞ്ചായത്ത് ഹാളിൽ നടന്നു. പി. കരുണാകരൻ എം.പി ഉദ്ഘാടനം ചെയ്തു. പഞ്ചായത്ത് പ്രസിഡൻറ് മാധവൻ മണിയറ അധ്യക്ഷത വഹിച്ചു. സി. നെറ്റ് ഏർപ്പെടുത്തിയ ഫോട്ടോഗ്രഫി അവാർഡുകളും ചെറുവത്തൂർ പ്രസ്ഫോറം ഏർപ്പെടുത്തിയ ദൃശ്യമാധ്യമ അവാർഡുകളും ചടങ്ങിൽ വിതരണം ചെയ്തു. സജി ചുണ്ട, സാജു നടുവിൽ, രജീഷ് കുളങ്ങര എന്നിവർ അവാർഡ് ഏറ്റുവാങ്ങി. മാധ്യമപ്രവർത്തകൻ പ്രമോദ് രാമൻ മുഖ്യപ്രഭാഷണം നടത്തി. അഡ്വ. രാജേന്ദ്രൻ, കെ. ശ്രീകാന്ത്, ടി. രാജൻ, എം. മനോജ്കുമാർ, പ്രസന്നൻ കാരിയിൽ, എം. ലോഹിതാക്ഷൻ, കെ. പ്രദീപ്കുമാർ, പി. ശ്രീനിവാസൻ എന്നിവർ സംസാരിച്ചു. കെ.വി. രാജീവൻ സ്വാഗതവും പി.കെ. സുധീരൻ നന്ദിയും പറഞ്ഞു.