റോഡിന്​ ഉയരക്കൂടുതൽ: യാത്രക്കാർ ദുരിതത്തിൽ

നീലേശ്വരം: കോൺക്രീറ്റ് ചെയ്തപ്പോൾ റോഡിന് ഉയരംകൂടിയതിനാൽ നാട്ടുകാർ ദുരിതത്തിലായി. ഉച്ചൂളികുതിരിൽനിന്ന് കൊയാമ്പുറത്തേക്കുള്ള മൂന്നുമീറ്റർ വീതിയുള്ള 100 മീറ്റർ റോഡാണ് ഉയരം കൂടിയത്. കോൺക്രീറ്റിനുശേഷം ഇരുവശങ്ങളിലും മണ്ണിട്ടുനികത്താത്തതാണ് പ്രശ്നം. റോഡി​െൻറ വീതിക്കുറവ് കാരണം രണ്ട് വാഹനങ്ങൾക്ക് ഒരുപോലെ സഞ്ചരിക്കാനും കഴിയില്ല. ശ്രദ്ധതെറ്റിയാൽ വാഹനം താഴേക്ക് പതിക്കുമെന്ന അവസ്ഥയാണ്. കാൽനടക്കാർക്ക് ഉയരക്കൂടുതൽ കാരണം റോഡിലേക്ക് കയറാൻ സാധിക്കുന്നില്ലത്രെ.