പെട്രോൾപമ്പിലേക്ക് ബൈക്കുകൾ തള്ളി പ്രതിഷേധം

തൃക്കരിപ്പൂർ: ഇന്ധനവിലവർധനയിൽ പ്രതിഷേധിച്ച് യു.ഡി.എഫ് പ്രവർത്തകർ തൃക്കരിപ്പൂർ ടൗണിലെ പെട്രോൾപമ്പിലേക്ക് ഇരുചക്ര വാഹനങ്ങൾ തള്ളിക്കൊണ്ടുപോയി. തുടർന്ന് നടന്ന യോഗത്തിൽ യു.ഡി.എഫ് ഏകോപനസമിതി അംഗം കെ.കെ. രാജേന്ദ്രൻ, ജില്ല പഞ്ചായത്ത് പ്രസിഡൻറ് എ.ജി.സി. ബഷീർ, ആർ.എസ്.പി സെക്രട്ടേറിയറ്റ് അംഗം കരീം ചന്തേര എന്നിവർ സംസാരിച്ചു. പ്രകടനത്തിന് പി. കുഞ്ഞിക്കണ്ണൻ, അഡ്വ. എം.ടി.പി. കരീം, കെ.വി. ഗംഗാധരൻ, ഒ.ടി. അഹമ്മദ് ഹാജി, കെ.വി. മുകുന്ദൻ, സി. രവി, പി.വി. കണ്ണൻ എന്നിവർ നേതൃത്വം നൽകി.