വികസനപദ്ധതി ഫണ്ട്‌ ശേഖരണം ഉദ്ഘാടനം

മൊഗ്രാൽ: എം.സി. അബ്ദുൽഖാദർ ഹാജി മെമ്മോറിയൽ ചാരിറ്റബിൾ ട്രസ്റ്റ് നടപ്പിലാക്കിയ 'ഇഖ്‌റഅ്' വിദ്യാഭ്യാസ വികസന പദ്ധതിക്കുള്ള ഫണ്ട്‌ ശേഖരണത്തിന് തുടക്കമായി. പരിപാടി ട്രസ്റ്റ് ഗൾഫ് കമ്മിറ്റി അംഗം കെ.എം. മുനീർ ചെയർമാൻ എം.സി. മുഹമ്മദ്‌ ഹാജിക്ക് ആദ്യ തുക നൽകി ഉദ്ഘാടനം നിർവഹിച്ചു. ഖത്തർ കെ.എം.സി.സി ജില്ല ഉപദേശക സമിതി ചെയർമാൻ എം.പി. ഷാഫി, സി. ഹിദായത്തുല്ല, എം.പി. ഇബ്രാഹീം, കെ.കെ. സക്കീർ ഖത്തർ, സി.എച്ച്. അഹ്‌മദ്‌ ഹുസൈൻ എന്നിവർ ഫണ്ട്‌ ശേഖരണത്തിൽ പങ്കാളികളായി. ചെയർമാൻ എം.സി. കുഞ്ഞഹമ്മദ് ഹാജി അധ്യക്ഷത വഹിച്ചു. എം. മാഹിൻ, യൂസുഫ് ഹാജി, എം.പി. അബ്ദുൽഖാദർ എന്നിവർ സംബന്ധിച്ചു. എം.എ. മൂസ സ്വാഗതം പറഞ്ഞു.