ഓസോണ്‍ ദിനത്തില്‍ സൈക്കിള്‍ റാലി

ഉദുമ: ഓസോണ്‍ പാളി സംരക്ഷിക്കണമെന്ന മുദ്രാവാക്യമുയർത്തി തച്ചങ്ങാട് ഗവ. ഹൈസ്കൂൾ സയന്‍സ് ക്ലബ്, പരിസ്ഥിതി ക്ലബ് എന്നിവയുടെ സംയുക്താഭിമുഖ്യത്തില്‍ സൈക്കിള്‍ റാലി നടത്തി. സ്കൂളില്‍നിന്ന് തുടങ്ങി ബേക്കല്‍ ജങ്ഷന്‍ വരെയും തിരിച്ചുമാണ് വിദ്യാർഥികള്‍ പ്ലക്കാര്‍ഡേന്തി സൈക്കിള്‍ റാലി നടത്തിയത്. പി.ടി.എ പ്രസിഡൻറ് ഉണ്ണിക‍ൃഷ്ണന്‍ പൊടിപ്പളം റാലി ഫ്ലാഗ്ഓഫ് ചെയ്തു. പ്രധാനാധ്യാപിക എം. ഭാരതി ഷേണായി, സീനിയര്‍ അസിസ്റ്റൻറ് വിജയകുമാര്‍, എസ്.ആര്‍.ജി കണ്‍വീനര്‍ പ്രണാബ്കുമാര്‍, സ്റ്റാഫ് സെക്രട്ടറി വി.വി. മുരളി, മദര്‍ പി.ടി.എ പ്രസിഡൻറ് സുജാത ബാലന്‍, ഡോ. സുനില്‍കുമാര്‍, മനോജ് പിലിക്കോട് എന്നിവര്‍ നേതൃത്വം നല്‍കി. സയൻസ് ക്ലബ് കണ്‍വീനര്‍ പി.വി. നിമിത ക്ലാസെടുത്തു.