പൗരത്വ ബില്ലിനെതിരെ പ്രതിഷേധ റാലിയും പൊതുയോഗവും

മുഴപ്പിലങ്ങാട്: പൗരത്വ നിയമ ഭേദഗതിക്കെതിരെ സമസ്ത കേരള ജംഇയ്യതുൽ മുഅല്ലിമീൻെറ നേതൃത്വത്തിൽ മുഴപ്പിലങ്ങാട് മഹല്ല് കേന്ദ്രീകരിച്ച് ഐക്യറാലി മുഴപ്പിലങ്ങാട് സീതിൻെറ പള്ളി പരിസരത്ത് നിന്നും ആരംഭിച്ച് കുളം ബസാറിൽ പൊതുയോഗത്തോടെ സമാപിച്ചു. റാലിക്ക് നാസർ മലാണ്ടി, അബ്ദുല്ല പിലാച്ചേരി, മുജീബ് റഹ്മാൻ ബാഖവി, തറമ്മൽ നിയാസ്, എം.കെ. അബ്ദുറഹ്മാൻ,ഹംസ മൂസ, അസൈനാർ മൗലവി, മുഹമ്മദലി അമാനി എന്നിവർ നേതൃത്വം നൽകി. തുടർന്ന് നടന്ന പൊതുയോഗം മുജീബ് റഹ്മാൻ ബാഖവി ഉദ്ഘാടനം ചെയ്തു. തറമ്മൽ നിയാസ് അധ്യക്ഷത വഹിച്ചു. മുഹമ്മദലി അമാനി, കളത്തിൽ ബഷീർ, റഫീഖ് മാസ്റ്റർ, റാഷിദ്‌ സഅദി, തയ്യിൽ റഫീഖ് എന്നിവർ സംസാരിച്ചു.