ആയിപ്പുഴ സെൻട്രൽ ജങ്ഷൻ-പുഴക്കര റോഡ് റീ ടാറിങ്​ തുടങ്ങി

ഇരിക്കൂർ: കൂടാളി ഗ്രാമപഞ്ചായത്തിലെ ആയിപ്പുഴ സെൻട്രൽ ജങ്ഷൻ - ഗവ. സ്കൂൾ, ഇസ്ലാമിയ മദ്റസ, പുഴക്കര റോഡ് അറ്റകുറ്റപ്പണി തുടങ്ങി. കഴിഞ്ഞ രണ്ട് പ്രളയങ്ങളിൽ റോഡിൻെറ മിക്ക ഭാഗങ്ങളും തകർന്നതിനാൽ ഗതാഗതം ദുസ്സഹമായതോടെ നിരവധി സംഘടനകൾ റോഡ് നന്നാക്കണമെന്നാവശ്യപ്പെട്ടിരുന്നു. സെൻട്രൽ ജങ്ഷനിൽനിന്ന് തുടങ്ങി തുമ്പോൽ, പാളാട് വഴി മട്ടന്നൂരിലേക്കുള്ള റോഡാണിത്. ഇപ്പോൾ പുഴക്കരയിൽ നിന്ന് ആയിപ്പുഴ സെൻട്രൽ ജങ്ഷൻ വരെയാണ്‌ റീ ടാറിങ് ചെയ്യുന്നത്.